I gamsung dinmun i thei a, bangmah kikhenna omlou a 31.8.2015 ma a i dinmun dan ua kiknawn ki-ut lou chiat hi kha ding eive (i vek ahihke le, a tamzawte). Tribal Movement kipat a mi tampite nakpi a poihlonna a tuah uh poilua ahihlai in Salpha 9-te hilhial ading inle i deihbang Justice i mu naikei lai uh.
🌱A chiil a Justice sual a kikoute tangbang damlai buang hang a, i movement uh bel dau hiaihiai a batna muhtheih in om hi. Delhi leh Lamka (Khopi dangte ahle hi thou in) kigalsaai a tha kipetuah in ki-om den hi, 3 bills a hong ki-passed apan.🌱Lamka ah mi chitak om laite ziak in tuni tan in i thawm uh a daaikei chihthu ahi a hive'n, i husa bel nidang bang zungzung nawnlou; lah doudal pawlte adia ngamthoh mawk ding bel hilou hi. Tuabang mah in Delhi a kikou thawmte bangle hi zuazua zou nawnlou simlam hita hi. Hiaipen heutu lam in mipite muanna a mansak uleh, a mipite mahle 'a chiil a i kikoupihte muhma teng awle...', chi-a chihtakna i neih kiam lambel hi peuhmah hi kha ding hi, aziak-asan gen ding tuamtuam om mahleh.🌱 Bangchidan hiam a kitohkuang thak a, kivelthakna khat a omkei leh Delhi a niteng mourning-Protest bangle maban saulua neilou a bat dekdek hun om thei hi. Kitohkuang leh kivelthakna bel kimuhkhop a genkhawmna toh piangsek hi. Maban ah hatsem in kalsuan touzel ni i chihleh tutkhawmna, kikupkhawmna chihte i neih ua huai dia leng i kimansak ngai ding bang hi, lawmte.
(Posted in Facebook on October 26, 2016
No comments:
Post a Comment