Lamka leh i singtang khuate nakpi a liingsak a, mipite buaina khukpi a hon kaailut; i tuailaite hinna manpha taktakte hon laaksak-a, a sisan uleh lei polhsak: 3 Anti-Tribal Bills ahi. Huai kua ziak hiam i chihleh Palai hoih i neihlouh ziak uh ahi. Palai dia i telkhiatte a poimoh huntak ah zat theihlouh leh hon su zahlaktu suak der uhi!
🌱Hiai thu pawna vilvel in numei-naupang, ateek-akhang lampi zuui nuainuai in mipite'n JAC min in Singtangmi MLA tengteng khentuam omlou in ana boycott ua, tuni tan in boycott laakkhiat ahi naikei lai. Tuabang ahihna ah Lamka mipite chihtakna leh decision i neihte ah chi taktak mah i hiam, chih tutung MLA Election ki-et chetna hun hong suak ding hi.🌱Pahtawina, zahtakna lianpi toh Salphate a phutawk uh Justice a muh mateng uh awle..., chihna ziak in tuni tan a luangte uh mipite'n koihlai uhi. A ziak omlou a hichia koih nilouh i hikei a, a tungtang uh gen a a-om theih hun kingak hipen hi. A luangte uh tung a Justice ei-le-ei kipia a, zahtakna lianpi toh vuikhiat ding chih ei' hihtheih mai ana hileh tu tantan ana kikoih lou hial ding hi.🌱Salphate adia tangkou ding leh huaimah masuan ding Palai hoih kipoimoh hi. I society uah misi luang omlai in sumbuukte kikhak in program bangteng kidinkhawl sak phot a, misi luang i vui liam zoh chiang un i nna dangte kikhoih pansek hi. Tutung inle Development ma-in Salphate tungthu a masa in koih ni. Land Protection leng i deih; huaipen ma inleng siluang (i Salphate) tungthu uh masa sak ni.
👣Development... We Want!👣Land Protection... We need!👣Tribal Martyrs issue... Our Priority!!
No comments:
Post a Comment