Phaizang mite' assimilation symptoms hong kilang zelzel mahleh khanglou rual theilou in mipite i omlai uhi. A navak zawdeuh leh suahtakna ding ana lunggulh zaw a ana kalsuante bel ihmu theilou tan hial in ana ngaihtuah in, ana sihpih le om uhi. A vangkim a luang kikhamte'n kawngrou sulou bang hial in i pilpih theinai keilai uh abang.
3-Bills in ateek-akhang a hon phawng a, navakna khat hon tun. Inn nupite natan om kinken theilou in tunitan chimoh-tongkhong kisa in tunglam enden in zaankhua a thum in au denlai uhi. Lamka zaang a teilor lam ATML-te kipiakna bangle Nute kipiakna bang a tehpih bei kipiakna ahi. Tuabang mah in Delhi a Jantar Mantar Indongtate. Amaute'n tawp ding geellou in mailam nawtzel ding a chihlai un maban suan dingdan om nawnlou di'n MOU signed khum a om in inspiration petu a Salphate uh vuikhiat sak in om uhi.
Lamka a ATWU thumpawl leh Jantar Mantar a hohzelte chihlouh People's Movement thawm zaak di om nawnlou bang hi. Tuabang ahihlai in JCILPS leh Meitei ST demand sahang ihmu bang a thoukik thei gige in om hi. Tuaziak in insecure kisakna lian deuhdeuh a; protection-dan a ngai in 6th Schedule, Lamka District chihte deihna lian deuhdeuh hi'n muhtheih hi.
Tuabang a khawllou a kalsuan ngap a omlai in mi genpeuh ana seel ding a mansa hileh kilawm pawl leng ki-om bang hi. Encouragement, suggestion, feedback, guide, ki-evaluate na di banah documents khong pia i hih keileh mi genteng a a-impossibility nadi ngen ana mu a, option dang gen thei tuanlou i hihleh a kalsuan ngapte lungke sak ngoihngoih ding khong genveu louh mai hoihzaw ding eive.
No comments:
Post a Comment