Ngaihtuahna in gamgi neilou. Thangvan sang ah a leeng dia, meipi khenlam pek ah le sawtlou chik in a tung thei. Huai i chihlai mah in tuipi thukpen nuai ahle a om zui ngal thei. I pianma thil bang ahihkeileh i sihnung chiang a thil om dingdante bangle a geel thei. I kitenni bang, hoihsak i neih patni a i omdante bang, 3-Bills i buaina ua i kihelna leh Nursery Class a A, B, C,.. 1, 2, 3... i zillai hunte within a fraction of milli seconds in a tunggeih theilai!
Ngaihtuahna kha a leeng in koikuam ah i va tummang zong in i omna mun ahzaw ki-om ahi top. I ngaihtuahna in i kimangsak thei na a, i leitung taksa zaw ei utthu in a mangthei kei. Chihtaak sabang in ngaihtuahna kha a leeng hilou in hunlui-nunlui tuchiang in i enkik, ngaaikik leh simkik kik theita. Tuate'n i dahna khituite a hulsak thei a, tuate mah in kipaktak a omlai bangle lungzuan kaithou in ei kia inle khitui (dah ziak hi sese lou inle..) a hon nuulnuul sak thei.
(Posted in Facebook on 12.7.2017 while listening to Deih Anglai Vol-V)
No comments:
Post a Comment