Current Issue/ Burning Topic Khenkhat a Mimal Ngaihdan K'on Kum Teei Ding.

I. Pherzawl District a Thanlon sub-division huam sunga Paite khua-te laakkhiat ding, chih toh kisai ah:

i). I genkhe tam mahmah ta a, Zomi leadership hi'n Paite leadership in organisation min suang in action a laak sawmlam uh kiza tadih lou, kha 7-bang pailiamta mahleh.

ii). Paite mi, District In-charge le hikha Minister in panla lou; phetlou Paite mi mahmah bialtu MLA hilel leh Pherzawl District bawlkhiat ahihlai ale MLA ana hita (tua Biren Govt a le tallang huntawk) tunitan a Pherzawl District a Thanlon a luut object saang mah in a 'step-by-step' a full-fledge District suahna dia Inauguration Program tuamtuamte bang a role poimohtak va lasek ahihman in MLA leh Minister-te apan lamet di a om hetkei in a lang.

iii). Thanlon Chief Association in a bultung a memorandum khatvei a piak nung uh a kalsuan lam uh zaak ahi nawnkei. Step-by-step a full-fledge District suahna dia Inauguration Program tuamtuamte le objection a bawllam uh a kiza kei. Thanlon Sub-Division huamsung a teeng mite Pherzawl District nuai a om lungkimlou a, kitutkhiat sawm a panla, thuap theih ding a omlam theih ahi tadih kei.

iv). Delhi khong a awlmoh a i gente vailak zunthak a bang. Ana zang manpha di omlou a bang. Delhi ah redress ding in hihtheih nei hile'ng legal means beek in panlakna a omta ngei ding in gintakhuai.

(A tung a point-te et in i hihtheih beilam hi simta a bang.)

II. Naga beel a amau toh agreement bawl a amau toh pawt khiak hoih di hia, chih toh kisai ah:

i). Nagate toh i deih kibang a chihtheih, Manipur Govt vaihawmna nuai a lungkim lou tuaktuak.

ii). Huai chile lah Manipur Govt nuai a Chief Minister heu a ULian tengbang zaan (14.7.2017) a i aikaw haan na mun, Lamka, hong siik un kipahpihna lianpen toh nasatak a ana welcome i hi ua, i gente leh i action uh a ki-match kei abang.

iii). Manipur Govt vaihawmna nuai ah lamet di neilou i kichih lai un lametna lianpi neidan in i lang daihzel uh. Atleast to the Media and to the World, even if we may deny it.

iv). Naga belh hoih hia hoihlou chihle geen man nai zezenlou in i dinmun uh hiaiteng ahle chiang huntawk abang. Mizo option le genbat hinai selou hi.

(I omdan uh et in mulmallou i bang uh. 3-Bills toh kisai bang ah i hahpan mahmah lai un, a tawplam ah finishing move ah i saibuai zel uh abang)