I hun hoih lah beikuan ahita a, Memory share hitei ning e, lawmte.
Zaan in Jantar Mantar a Protest hoh pailam in gilkial vungvung leh taksa tawltak in ka pai ngalhngalh hi. Tawl simziak mahle ahi dia Midang tampite Jantar Mantar ah muhkhak a om ngei loute bang lungsim mitkha ah kimu dundun hi. Ahi a, midangte kipiakna va question thei ding in a hahpan pen hi'n ka kikoih keizel hi. Alah i tawl lung in kisinse diak hi.
Ahi alah Jantar Mantar a thu kigente leh niteng a hoh gige ban ah, lam chi tuamtuam a kuhkaltak a pang tampi om ahi chih in lametna lianpi a hon guan hi. Intun kuan khong in lai sunggil kial vungvung lah ngaihtuahna emotionally recharged a om in ka khesuan a kin gang theikei. Himahleh ka ngaihtuahna zaw zaang theuhtheuh zawzen eive.
Mi naran khat huchi ka hihleh MTFD, JAC, AMTWU, ATML, etc, heutute bang zahta in a tawl ding ua? Chih ngaihtuah chiang in hiai mimal status khong gelh khiat sese taak hetlou ahi. Ahi alah milip in heutute haksatna-tawlna themkhat bek a limlah theihleh phatuam ding hive'n maw, ka chi zel hi.
Awle, bangteng hileh, i tuam dungzui un i pan theihdan tuan chiat kha ding hi. Himahleh a meisa tawng a pangte'n zaw tu sawng tengbek taksa mahmah a va kilat ding poimoh sapen uh eive, bang dangteng sang in. Heutute bul patsa bang i loh dia? Voluntary thil ahi a hiven, issue khenkhat ah voluntary i chih mahni a kibituuk bangle a poimoh hun om thou zaw eive.
No comments:
Post a Comment