August 31,2015 in a hong puakzak a, palai hoih a poimoh dan i mu chiang mahmah uh. I gam humbit a ana om nailou ahihdan leng a chiang mahmah. Tuateng ban ah a poi petmah hinna manpha mahmah luang 9 a hong kikham zomah! Chikmah chiang a sapkik theih nawn ding vual hilou in a liamta uh.
🔹Bawldik zoh ding vual hi nawnkei mahleh i dinkhiat ngai chi in Manipur pawlam natan ah azan-azan in lungkimlouhna toh khasiatna toh a tawp tawdong awle chi'n aw i hon suahkhia uhi. Tua nungsang nungkik chih om nailou in haksatna leh tawlhuai hunte khawk salou in i taai vengveng ua, hiai chiang i tungta.🔹I haatdan kibang lou ahihman in a na khawl masa zawdeuh i om chihthu ahi a hive'n thildik sual i hihman in ana tutkhawl zualte leng thelbang hong thou in galphual a hong dianglut nawn thou ding uhi, zingchiang hiam, thai chiang... tu'n genthei kei mahle.🔹Ahi a, mi'n maban hon zoptheih na ding un i na pai giugeu poimoh hi. Hiaitan aw suah a beihpi i suahte manpha sem leh a gah muhna ding in lungkiat louh poimoh mahmah hi. Mahni lungsim a Gam-le-nam itna chi i vomte chi hoih leh manpha ahih nakleh.
No comments:
Post a Comment