🌱April 29th, 2017(Kiginni), 2:00pm in JNU a Centre for the Study of Law and Governance, New Delhi ah YPA JHQ Delhi, SSPP JHQ Delhi leh Delhi Paite Indongta pangkhawm a Paite mi-le-sa Delhi NCR a omte kimuhkhawmna poimohtak, 'I gam dinmun et a maban kalsuan dingdan kikupna' chih thupi a nei a ki-organised ah Jantar Mantar Indongtate leng chial a ki-om bang in hunkhoptak va kitel hi.🌱Hiaibang kikhopkhawmna hun poimoh leh om ngei manglou chiamtehtham ching hunpi khat hi'n gentheih ding hi. Hiai hun ah organiser-te banah Jantar Mantar Indongtate leng thugenna hun piak in ki-om hi. Pawl tuamtuam in thugenna hun a zatzoh un thukup/ngaihdan gen utte a ding in zalentak a gen theihna ding hun zatak in kihong hi.🌱Hiai hun ah mipi paikhawm hoih mahmah in dakkal 5 vaal hilhial break om hetlou in kikhopna kizang hi. Thu kigenkhete apan i thiltuahte uh paikhawmte'n kivei a, kipawna chiat ahihdan chiangtak in kilang hi. Topic poimohtak kikupkhawmna ahihban ah awlmohdan gen theihna hunlem ahihziak in paikhawmte'n lungtunhuai sa in maban ah sutzop touhzel leng hoihsa uhi.🌱Jantar Mantar Indongtate sik-le-taang in Htp. Hau Tunglut in thugenna nei a, Salpha-te Justice leh 6th Schedule tel in Delhi NCR based a nei Paite mi-le-sate'n i dinmun uleh maban etna in Forum hoihtak khat dinsuah a poimohdan gen hi.🌱Meeting hun a genkhawm leh velkhawm ahihnung in mipite theih ding in hiai bang thusuah leng bawl uhi:
_________________________
Tuni’n Delhi a ei Paite omte kimu khomin, I gam dinmun et a maban kalsuan dingdan kikupna manpha tak kinei. Hiai open discussion ah JAC- AATB, ATWU, ATML, MTFD, JMI leh phatuam ngai te panlak dante thupi kisa. I panlak nate leh kuhkalna ziaka anti-tribal bills dal zawh ahih dan thupi kisa.
Pankhom zel kuul mahmah hihdan phawk ahi. Eimi sunga organization manpha tak PTC, YPA leh SSPP te’n le active zosem a amau role honsep uh lamet ahi.
UPF te government toh akihouna uh hong hatsem a political solution hong ompah lametna lianpi kinei.
Delhi te le kikupna leh panlakna neihzel hoih akisa.
Organizer te sik-leh-tangin,
L Khammuanlal
President, SSPP JHQ Delhi
________________________
N.B.: This brief report is intended to throw light on the meeting. Reported by JMI.
No comments:
Post a Comment