August 31, 2015 nung in Lamka a sitting MLA (Singtangmi MLA-te) deih nawnlou a akitawp ding uh deihna ziak in mi tampite'n lampi ana zuui nuainuai uhi. Hiaibang khop a mipi' palaite tung a khasiatna leh deihlouhna chikmah in i na genkhe naikei uhi. Kimimal huatna ziak ahi maikei a, a omna san dingdawl ua a omlouh ziak ua tuabang tuak ahipen uh. Hiai tungtang mi tuamtuam in mun tampi ah ana gen & gelh zouta ua saupi va gengen ding le poimoh nawnlou bangkhop ahita hi.
Huai hunlai leh tu tantan in mi malmalte'n adeihlouhna ziak uh tuni chiang in kilamdang nailou hi. Ahi a, mi khenkhat in a dinna sa uh taisan mai a a-om theih uh i et chiang in, ui a' luaklam a kiknawn bangmai a om ahi uh chihlouh theihlouh hi. chihtakna taksap ziak ahih keileh bangziak a huchi U-Turn uhiam ka thei zoukei hi. Bangteng hileh huailam thu leng ka gensau utkei lai hi.
58-Churachandpur AC a sitting MLA mah tutung a mipite'n i telching uleh:-
1. Lamka khopi sung a i lampite uah i lungkim huntawk chihna ahi.
2. Ei adia hoihlou Bill tuamtuam tunung a Manipur Legislative Assembly ah a kilui chiang in gensak tu nei kholkei lele poi salou chihna i hi.
3. I gam leitang thu uah awlmoh dingbang a awlmoh zou taktak lou i hi uh chihna ahi.
4. I Constituency sung a sihna-liamna tuakte tuni tan a genveng louh a omlaite thuakpih taktak zoulou mah i hi chihna ahi.
Hiai tenglel ka gen di. Mi malmalte'n i ngaihtuah theih thou uh hive'n. I siikna, i vaakna, mit a i muhbatna mun leh niteng phial a i khosakna mun gen i hi ngal a.
(Posted in Facebook on 2017
No comments:
Post a Comment