🌱I galmuang kei uh. Bill 3-te'n a genchiang. Salphate vuilouh in i koih; Morgue a muat dia i taihsat ahikei. Amaute adia tangkou tu ding kingak den ahi. Ni 540 a chingta! Insung a sihna a tun chiang in thildang teng taisan in i saifel masa. Tutung inleng i mi-le-sate sihna i ngaih poimohleh Development bangteng sang in Salphate amasa in koih ni.🌱Salphate adia tangkou ding mi i poimoh. Diktatna toh mipite palai a pang ding mi i poimoh. 6th Schedule a i gam daikaih thukin leh poimoh ahi. Hundang banglou in Salpha vuilouh luang 8 toh i omlel. Emergency a khosa i hi. Vote khiat i hamphatna ahi a, i mohpuakna leng ahi. Kimangngilh sak kei ni. Beh pai a hunkei, sum haau zuih a hunkei. Vote zuak-le-lei thil ahi kei. Khelhna lianpi ahi. Gam hum a daikaih i mohpuakna ahi.🌱Kaam, Sanction, Contract Work, etc. hon piak ding ziak hiam, mimal hamphatna ding tuamtuam etna ziak in na vote manpha zangkhial ke'n, kum nga saltanna hithei eive! Salphate tungtang genfel ding, Diktatna a kibulphuh a, i gam-le-leitang hum leh puah taktak ding penmah na Vote pia in. Na mohpuakna ahi.🌱 Na vote khedia hun, tha-le-zung na seen investment ahihlam mangngilh ke'n. Queue saulua, tawlhuai lua chi'n ngaizam ke'nla, kuhkal suah in. Kumnga a khatvei kalsuanna hilel hi-a, gam-le-nam adia i hihtheih baihlam leh poimohpen khat ahi.
(Posted in Facebook on 2017
No comments:
Post a Comment