Diklou ahih maimah chia kuapeuh le tumuang hiuhiau theilou in kidiangkhia. Hehsim toh thuah in inn tampi banah Govt. Office hunkhoptak leng haal a ana om. Kuangkhe thak thei gige a ki-om den hisim. Himahleh, i deih kimu nailou ahihchia lungke mailou in mailam kinawt den. Bangteng hileh Thutak leh thudik mah kichi tinten.
Thutak leh Thudik apan tolhlou a i dinkip taktak uleh khenkhat bahsia in hong pulh ua, hon kinungheisan uh. Tuate nung in tawlhuai leh lungkiathuai hunte ah hoihtak a nungkin tuanlou a apai ngei ua paitou veve hunkuam omlai hi. Huchi'n akumbang hong kiveitou in, MLA Election hunte bang hong tung a; a hun madeuh apan bahsia leh buaisia a mimal hamphatna dinglel mah delh a ana paimang toh kithuah zilzel in hiaichiang i tungta uhi.
Issue i buaipih lellel pen uh mimal khat leh nam khat ading mai hilou a collective issue leh future ahi chih i thei. Duhthusam genna tanlel hilou a atak a taksa mahmah toh extra mile pai a kalsuan i hi ua, lungdonhuai hunte leng kituak zelzel hi. Ahi a, lam tuamtuam a i contribution leh panlaknate'n gen neilou bang a heutute'n hon pitouhzel uleh amau hon pidan a lungkimdan kisin a pau tam nawnlou a etthoh phot ding houh a hoihpen hita phial ding in gingta ing.
No comments:
Post a Comment