Pantheihna leh poimohna a om khakleh chihman in kuhkal suah in awlmohna leh veina lianpi toh 6th Schedule leh Salphate Justice muhna dia hihtheih bangbang a ana kipang touden chu ahi, August 31, 2015 a kipan. Ahi a, thil hong kiveitouzel in Manipur Government toh lemna (MOU) sign ding thu zaak ahih in logical reason hoihtak toh suggestions ana kigen pah hi. Tua point-te consider ahikei a, asawmsa danmah ua paisuak in MOU, 10th May 2017 ni in signed in omta hi. Tuani mah in a kipom theihlouh ziak hoihtak a taklang in MOU copy leng ana kihaltum kha zezen mah hi.
A ziak bel MOU signed in om mahleh heutute'n rethinking a neih ua, eilam a hih ding omte hihlou a, MOU overturned theihlai hi a koih inleh; heutute'n banghiam mistake ziak a ana hihkha ahihtaak ulehle kisiik a Jantar Mantar Indongta banah pawl khenkhatte ngaihdan koppih theilai mai ding uam aw, chihziak ahipen. Ahi a, nungkin chih omlou in a paizom zel ua, 24th May 2017 ni in Salphate vuikhiat in omta hi.
MOU ah Salphate Justice ding gen khakna pomtheih kichiantak a omkei a, tuatoh Salphate vuikhiat ahih taak man in Salphate Justice demand touh nilouh ale omzia om nawnlou bang hita hi. Government theih a eipawl lungkimta a, Salphate bangle vuikhia kihita hi. Banah, a bultung apan heutute'n a hon demand pih uh Separate Administration chih ahi a, huaibel deih dantak in Delhi a MTFD makaihna in 6th Schedule ana kichi hi.
Ahi a, bang chibang separate adminstration hita lehle Govt toh kilemna MOU ah Separate Administration leng genkhak a omlou ahihman in mipite lungkimta a, Separate Administration leng genkha nawnlou uh chihbang hita ahihman in Justice hiam 6th Schedule demand a protest sutzop in omzia nei nawnlou bang hita hi.
Huaiteng thutuam hi laileh, Capital a omte poimohna lian mahmah ahi chih migen kiza tam mahmah hi. Tua ziak in office nasepna nawngkai sim lehle poimoh ngaih in a chang a leave-te bang la in People's Movement adi'n ana kikalsuan hi. A final peek ding dinmun a i om um dotkhak leh kupkhak in ana ki-om hetlou; chikei ve, awlmohna lianpi toh ngaihdan i gente leng ngaihsak khaak a om hetlou ana hi. Altogether a ignored ana kihi a, poimohna kinei hetlou ana hidan eive.
Tuate tengteng ziak in awlmohtawk lengle contribution i neih in omzia nei nawn mahmah lou ahihziak in i gam ading leh i mite adia i hihtheih kinei nawnlou hita hi. Salphate zahna leh itna nanungpen suah in India Sepaih hangsante suunna leh a min uh gelh a ana omna India Gate ah zahtakna lianpi toh Salphate zahna va kipia a, Protest kipatna mun Jantar Mantar ah 24th May, 2017 zaan dak 10: 35pm vel in thumna toh Protest tawpna kinei hi.
A tawppen in, People's movement ah panna nei nawnlou leh telkha nawnlou ka hita chih ka gen nuam hi. Hiai People's Movement toh kisai a kuahiam tung a genkhelh hiam lungsim noplouhna ding genkhak leh sepkhak ka neihleh 'everything done in good faith' ahi chi-a hon saansak ding in ka hon ngen hi.
~ Lian Suantak.
No comments:
Post a Comment