🌱1. Bill 3-te toh kisai gensau ngai tuanlou in a huaisiatdan i thei chiatta. Delhi ah Sept 1 2015 in MTFD a hong piang a, Sept 2 2015 in JACAATB. Ground zero ah JACAATB in pan nasatak in a la ua, Delhi NCR ah MTFD in. Huchibang in mun tuamtuam ah a pang khalou omlou chihtheih phial ding in i hihtheih lamchiat ah i pangchiat uhi.🌱2. Tuchiang in ahihleh kuhkaltak a ana pang kiinken a omlai in mi tangpite tawl kisa a, Morgue/ Jantar Mantar a Salphate coffins kiang a protest ding ngai poimoh zou nawnlou, va hoh nawnlou leng a tamzaw hita ding hi. Kuamah i kimohsa kei a, mahni veidan chiat a kalsuan kihi hipen hi.🌱3. A hun bangle hong sawtkuamta ahihtoh kikai-awk nasa sim kibang hi. Huchibang dinmun a i omlai in mipite'n heutute a muanna nei tawm; leh heutute'n mipite muanna ngahlou kisakna lian hi. Kei mah inle heutute blind-tak a muan luat theihlouh adiam ka chi dekdek hi. A ziak nihkia ka hon gen di.
🔸1). MTFD heutute Galphual - Jantar Mantar ah muhphak dia om nawnlou ua, koilam nawt a pai kihi hiam chih kithei nawnlou sim a; maban paitouh ding plan om taktak hiam chihle theihbut hilou hi. Delhi NCR ah heutute a kinga ding hileng zuih ding a beina sawt peuhmah ta hi. Jantar Mantar Inndongta kichite ziak in Delhi ah Salphate suunna ana pai hamham hilel hi. Tua ziak in heutute ah muanna neitawm mahmah kihi.🔸2). Lamka Epicenter ah JACAATB makaihna in Protest paitou in Salpha mi 8-te luang vuikhiat louh in Morgue ah kisial denlai hi. Justice deih a sual kichi mahle uh Lamka based heutute'n FIR ana file lou uhi. 2016 kum tawplam apan Delhi a hong zin chiang un mipite kiang (Jantar Mantar Protest na mun) nidang bang in hong phanawn lou uhi. Tunai a Manipur CM thak toh a kihouna ua Charter of Demands mipi muh dia phoukhiat omlou a, a nunglam a kimu sun clarification hilel hi. Tuaziak in transparency om(nawn) loupi in heutute blind-tak a gintak haksa kisa sim hi.🌱4. Tua bangteng ahihlai in mohsakna leh gensiatna tampi tuak toutou kawmpi in lunglel lou in ATWU leh ATML ziak in Morgue ah Protest muhtheih in paitou lai hi. Hun paisa a Salphate vuikhiat ding thu khauhtak a omlai inleng JACAATB pang theilou phial a adinlai ua tha ana guantu tuate mah ahihdan mipite'n haihlou uhi.🌱5. Ahi a, i Protest uh hatsak thakni i chihleh heutute kivelthakna ding om di'a, mipite kivelna dingle om tham ding hi. Protest-na munte - (adiak in Jantar Mantar leh Morgue ah) mipite deih im vuallouh a muhtheih 6th Schedule, Salphate justice leh anti-corruption ahi chih chiangtak in muhtheih in om hi. Tua a tung a point-te sual ding MLA i neihlouh khak ding uh lauh ziak in Jantar Mantar Inndongta in MLA Election 2017 deklai in THUPUAN a hon suahkhia ua, Election result a hong suah in kuama'n thupi ngaihlou bang maimah hi.
👉 Tuaziak in Tribal Movement maban paitou zomzel ni i chihleh heutute'n transparency nei in mipite toh kizopna hon bawlthak le uh chih deihhuai petmah hi. Akuakua le ki-encourage tuah ngai ahihman in Salphate Pumbuk bang le awnsak heuhou gige louh a, niteng chihdan a haksat lehle Kaalnih-a khatvei bang, Heutute leh Mipite interact namun a zat poimoh hi. Mipite toh tonlou inlah i deihbang a lamzang taktak haksa ding ahi.
(Posted in Facebook on 2017
No comments:
Post a Comment