Jantar Mantar | 24.05.2017 | 632nd Day of Manipur Tribal Protest
🌱 Tatsatlou a sisuun-nuakna Jantar Mantar Camp Site ah paizom touzel in tuni 6pm in MTFD saina nuai ah Salphate suunna hun zat in om hi. I demand-te uh deihna lianpi toh tuni dong in kikalsuan theilai hi. Program thumna a kipan in Benediction in kikhak hi.🌱 Delhi a Salphate suunna Program zoh nung in mi bangzah hiam in Salphate adia zahna nanungpen pia in India Gate ah Candle Light Vigil va nei in Poster khut ngei a gelh tawi in lim va kilaakpih uhi. Tuazoh in, Jantar Mantar a suunna kipan hive'n a zohna leng Jantar Mantar mah a bawl ngai ahi chi'n Candle de in suunna hun zang nawn uhi. Hiai hun ah MTFD heutu khenkhat leng tel ua, a tawpna pen ding in thumna nei in Suunna nanungpen zoh in om thei hi.🌱 JACAATB makaihna in Salphate tuni, May 24, 2017 (Wednesday) in Khuga Dam, Churachandpur District ah vuiliam in om uhi. Mi hunkhoptak in Salphate Justice muloupi a vuiliam lem sa theilou in Lamka hi'n Delhi ah hitaleh Salphate suunna Program ah tellou in nguitak in om mai uhi.🌱 Heutute'n lemna suai kaaita ahihman un i Salphate Justice leh 3-Bills dalna a i pan theihna hiaitan hita ding bang hi. Tuaziak in mi hunkhop in Tribal Movement ah hiaitan ban pai dingdan om nawnlou a ngai in zohnadan a koihle ki-om hi.
N.B.: This brief report is intended to throw light on our evening's Protest.
No comments:
Post a Comment