Thutak ah 'Dik' chihleh 'diklou' chih om ahihman in ngaihtuah detdet chiang inchu, dik i sak om a, diklou i sakle om. Thutak pen en dik i saktan lel a kinga bel hilou. Hilele i conscience in hon hilhdan le om chiat di; ignore naakkhem i hizaw kha diam!
2. Paite-te'n 3-Bills toh kisai a i buai nung uh.. i loss leh i chaan tam mahmah. Chaan chih i utpen hi masa kei mahleh Diktatna leh Thutak a kibulphuh ding deihna nasatak a pailel ahihman in i chaan lehle chaan tadih hiphot le. Thutak leh Diktatna principles a kinga khaloute mipite lak ah maai taanglou ahi mai uh, tulel dinmun in. Maaitaang ding khukkhak omlou i hih di ahi a lauhhuai.
3. Hon tungding thei Pathian nei i hi a, kitunding na ding man (price) pe lellel hi'n ka kingaihtuah. Tunding taak/theih dia om i hihleh i hampha. Tunding theihlouh dia a kimchiang a kiman, a-full a thutak leh diktatna a kilamtou taktak dia kimanlou i hihleh bangteng in lemna leh kituahna gen lele a vuallel sa hi'n kikoih mai le. A kimchiang chu a man pia i hita diam ka chi a, tua reformation process a i luuttouh ma un thutak leh diktatna a lamtouh a om sang a, short cut a, 'by any means' a kitun ding sawm i hikha thei ding uam, chih inle om thei dekdek.
4. Tua i omdan uhzaw nuamlou lua mahzaw ahi. Nguntak in kingaihtuah thak chiat ni.
No comments:
Post a Comment