2006 New Year gift chi'n phaizangmite'n Phamta Pu T.Thangthuam, IPS mulkimna bei in a hon kaplup sak ua, huai hunlai a amah suun a paikhawmte'n Lamka Mawltual ah nasatak a suunna nei in Singtangmite pil ta hi, pankhawm ngai mahmah ta ahi ana chi uhi. Huchi hinapi sawt i pangkhawm theikei ua anung zek in angei in ingei zel uh. Tuanung kum 10 khong a hong pai a, 2015 August 31 ni in a minthang Bill 3-te ziak in khanlohna i lak uah a hong tung a, tuni chiangtan in i Salphate suunna gimsi a theng neikei lai hi!
Tua Bill 3-te lauhhuaidan theichiang in Singtangmi 9-tak in a hinna uh ana luikhia ua, Manipur leh pawlam tanpha a Singtangmi kichi taphot in naktak in i pawna ua, khekhat khai in kal i na suankhawm uhi. Tua Bill 3-te nengchik leng nanglou in i MLA-te'n ana paisuak sak hithet uhi. Tua Bill 3-te ziak in khanlohna im vuallouh a hong tung a, MLA/Minister/MP hoih i neihlouh uh poi i sa mahmah chiat uhi.
Hiai a tawpna ahi kei ding, Bill dang a lauhuai zaw leng a hong suakzel lai ding. I gam-le-leitang hum a pang ding mi chitak kizon hun ahi a, atak leh akilimsiam hunkuam a hong laang lellel uhi. I gam-le-leitang bitloupi in Lampi, Electric, development hoihtak i duhthusam bangtak a nei hileng le, tuate'n phaizang mite' hon muhsitna leh nekkang nopna apan hon humbit zou tuanlou ding uhi. I gam-le-leitang humbit photphot lehang i giahbuk leh panmun dingte khoh theih peuhmah ding zaw eive.
(Posted in Facebook on 2017
No comments:
Post a Comment