Talpak-te aa diing in Zomi kia malpan a, deih ngen a kiphinna a
huphulhhuai diam? Ahih keileh, Talpak lousiah singtangmite kiton/sikkhat a
kiphin; koi khauhzaw hon sa diing ua?
Ngaihdan zaw i nei chiat diing uh. Thu houchik hon gen ka bang
na a thu tampi tuun hi.
1. 'LAMKA' chih i deih ua, Churachandpur District pen Lamka
District a khenkiik diing i phu ua, lungkegawp khinta i hi uhiam? A hunlai a
bawl ahih louh chiang in khonung khen haksa lua hi. Tua
ziak in adet dia 'ZOLAND' deih i hihleh hoih. Khonung khen ut phiing diing i
hihleh ‘final agreement’ om ma in ngaihtuah fel poimoh diing a bang hi.
2. Naga in a deih uh mu in kivaihawmna tuam nei in omkhe le uh
tu a Manipur polam a om i Zomi hihpihte toh gam khat hi dia baanglai keeksak
diing a ngetna khonung in ei kia in i phu ngam diing uam? Tua Talpak in a sikkhop
diing uh a tamlai a Manipur integrity sukha lou na diing i chih uh chi dik mah
i hi uhiam?
3. I deih leh i nget ah fimkhur ni. Naupang in a deih a baan gen
bang in a tuamtuam gen a kikhiinkhiin chih pen political movement ah pichinhuai
diing mah hiam? Midang in ei kiang ah nget hon nei uhenla, zaan in khedapkaih (chappal)
san, tuzing in khedappum leh nitaklam in ball boot hon ngen henla, tuzaan in
tuibuut deih chi thakleh bang lungsim i nei dia? Deih taktak ahihdan i
ki-convinced diam?
~ Sumthanlian Suantak | 2019 kum Noukha 28 ni (28.11.2019)
No comments:
Post a Comment