Mihing tengteng in a kibang a i neih hinapi i lettang theih
hetlouh thilkhat om a, huai tuh 'HUN' ahi. I zangzang na a hive'n nei den dia
thuneihna i khut ah a om hetkei hi. Khawl ngeilou ahihman in hunta i chih ma in
a hon paisan zel a, kisik in poisa mah lehang i samkik theikei hi. I
theihlouhkal in tampi i mawk zatbeikha a, hun paisa a suak zel mai hi!
Teekkun a damte hun zatdan siam zodeuh uh chihdan ahi tuankeilai
hi. Mihing' damsung a hun zatdan siamkim theih chi a bangkei maimah hi. Tua ziak ahi dia, "ka hun paisa samkik thei hile'ng...," a kichi vungvung sek hi.
Ei khut a omlou i chihlai in lah nikhat a dakkal 24 piak in i om chiat uhi.
Khaamkhawl theih hilou ahihman in ut-le-utlouh genlou a zangliam
mai diing i hi chiat uhi. Huchi thouthou ahihleh tunung chiang a khosakna
hoihzaw neih diing utna leh ngimna toh kisakhol a, eimah leh i nu-le-pate'
lungtunna tan a zang dia kisa ding mo, ahih keileh ama' liam dandan a liamsak
toutou mai diing?
Ninuai a teeng mihingte aa diing in khatvei sih diing sehsa ahi.
I ngaihtuahna a om sepgimna, tua i tuah lel leh tuahtouhlai diingte damsung aa diing
kia ahi. Aban zaw Khrist a lametna neite aa diing in lunghimohna diing a omkei
hi. Huai ahihlai in i hondampa i tuah chiang in 'sikha hoih' hon chih i ut chiat
gintakhuai ka sa hi. Tua ziak in gelkholh (plan) poimoh mahmah hi.
Hondampa tuah chiang aa diing leng tuh a hina a, huai ma in
khosakna-nekzonna hoihzaw i neih theihna diing in tuhun (eh! Beiman sim khin hi
zel...) ah a tamtheipen sin in, sem in, zuun ni.
No comments:
Post a Comment