Nelou, dawnlou a khosa theilou i hihman un i nek diing leh dawn diing uh a masapen in kikoih sek hi. Nu-le-pate'n innkuan a i nek-le-dawn diing ngaihtuah sek uhi. Tua ziak in gim-le-tawl, anuam-ahaksa genlou in niteng in kuankhe zel uhi. Khosakna leh nekmuhna a haksatdan a theih ziak un i nu-le-pate'n a tate' maban khosak diingdan uh ngaihtuahsak sek uhi.
Tua bang ahihman in tate kuhkal diing, hahpan diing leh
chitaktak a pang diing in hon thuhilh den uhi. Khovel kong tuamtuam a na pal khin ahihman un experience tampi nei ua,
midangte pha zoulou leh tunung a i dinmun diing uh hon ngaihtuahsak chiang un
hon deihsak luat ziak un hon taaitaaikha uh hizaw hi.
Naupang leh tuailaite'n leng i maban diing uh kingaihtuah zelzel
tham hi. Himahleh ei etdan pen experience based a et hilou in suangtuahna toh
gal-et a kihi tadih hi. I nu-le-pate'n leng tua ei' etdan in a na en ngei tham
uhi. Tua bang ahihlai in amau' etdan a i etkhak louh chiang un mawl leh thring
uh bang kisa hizaw hi.
Nu-le-pate i chih chiang in lampi hoih i zuih diing a hon
genpihte uh i zuih ua, i lamzan leh lohchin diing deih mahmah in sum-le-pai,
tha-le-zung leh ngaihtuahna tampi mahmah seeng dia kiman phetlou seeng leng
seeng taktak hilai uhi.
Asia-apha leng theilou a naungek i hihlai uapan a siamna,
theihna, hihtheihna leh a neih bangbang uh suah a hiai chiang hon tuntu ahihman
un kingaihtuah lehang tua i tunna chiang dik a i theihleh maban ding 'nou na
theizaw uh,' hon chih hial kei uhleh amaute muang in amau' chihdan mah zui
lehang kipaikhial, kisikkhial loupen diing hi.
Sumthanlian Suantak | 2019
No comments:
Post a Comment