A lamdang a hikei a, a hunbi a hong tun chiang in kiteelna om zel
hi. India in zalenna a ngah nung 1951 kum (25.10.1951) in India adia general
election masapen om hi. Tua nungsang kum bangzahhiam halteng in kiteelna om
toutou hi. Tutung MP kitelna pen atawpna a hikei dia, maban ah leng kiteelna
omtou zelzellai diing hi.
Jesu Khrist in, "keimah lampi, THUTAK leh hinna ka
hi," chi hi. Jesu Khrist nungzuite'n THUTAK i hinpih a i kipahpih diing
ahi. Thutak i hinpih leh kipahpihna sang in i
hinpih louh leh kipahpih louh kibuaipih hi den hi. Thutak leh dik-le-tang mah
masuan hi lehang kiteelna hunte sousan luat telna diing a omkei hi.
Kiteel (vote khiak) hunkuan chiang a sum hawmkhia, kigensiat,
kitot, kinak, tanau kaal buaina leh zu-le-sa a kivaakna (khilai) chihte thutak
hinpihte aa diing in kipahpih diing thil a hikei a, chiin a neih diing leng
hilou hi. Hiai bang thilte apan i kikepsiang diing uh ahi.
Kiteelna guui a, haipih leh candidate khat pumgup a, ei' gup hon
guppihte kia lawmbawl chihte chiinkhak baihlam mahmah hi. Ahihhang in a hoihpen
a na hilou hi, chih i phawkkhiak chiang in saupi a na kitung himan pahpah hi.
Tua ziak in a puukkha i omleh i puuknalai thei in, THUTAK ah kiknawn ni.
Sumthanlian Suantak | 2019
No comments:
Post a Comment