Tangthu
hamlamtak a i simthoh hiam, mi gen i zaakthoh maite sang mah in a movie a
hoihtak a hong kibawlkhia i et chiang in nuam zotham sek hi. A ziak ahihleh
genthoh leh simthoh a kim theilou thil tuamtuam movie a hong kipolhkhawmte'n a
etnuamsak tuam mahmah hi.
Kipahnalam leh
lungkhamnalam a a background music hong kikhekte'n movie etnopna behlaptuan
mahmah hi. Hiai dan, a hun zil a hong kikhek music-te mihing kam in gen thei
khollou hi. Neulai bang a mi TV sound i zaak lellehle ki-om theilou hitel hi!
A movie mahmah
a kihouna (dialogue) bang; lemchiingtute'n melpuak (facial expression) leh body
language siamnel (zei) deuh a hon lakkhiakte uh bang chu.. i mit mahmah a i muh
ngai hi. Lemchiingtute siamdan leh zeidante a gen a genkhiak theih vual hi
khollou hi.
Tuate ban ah
camera zatsiamdan, edit bawlsiamdan leh tulai bang drone zang a hong kila,
tunglam apan hong kilanaai chenchen (zoom) chihte bang a technician-te a siam
uhleh a ente'n leengkawm ziaiziai a en mah kibang thei hi.
A scene toh
kituak dia a thu zil a khitui kaai niuniaute bang, pona leh lungkham ziak a
khuisa a thuum hialhial awsuak ging chihte a genthoh a genkim zoh hilou hi.
Sihsual a damloute bang a meel uh mualsak i chi hiam, bangbang hiam nuh leh
zeem (chei) a effects hon piak chiang un i mitkha ah mang zoklou hi.
#LAMETNA_HING movie en him dih!
~ Sumthanlian Suantak | Nisim: 2020 kum Phalkha 15 ni (15th October 2020)
No comments:
Post a Comment