Media i poimoh lailai in ei Tribal sung kituahna a masazaw ding hilai. Tulel et in ei Tribal sung kithutuahna dengdel mahmah hi a theih ahi. Huai bangchi hihhaat theih ding chih ngaihtuah tham mahmah hi.
I buai pattung ni (31/8/2015) in makai ding om tuanlou in mipi kipunkhawmte'n mahni hihtheih lamlam ah sihna tantuak hial in i phu uh. Hiai ni, azan-azan in Delhi ah zansawtta chih omlou in Emergency Meeting kisam Hi. 10pm in KSO, leh 12:00 Mid-night in SSPP. Zinglam, 2am in SSPP, KSO, HSA, etc. Joint meeting om zui ngal.
01/9/2015 ni in heutu ding a panla om nai tuanlou in Lamka ah hiaidan a pai di chih leng om tuanlou in mipi thangpai in Lamka kuangzaak. Hiai nitak 7pm in Delhi ahleng meeting poimohtak om. Huchi bangzel in India State tuamtuam ah reaction/ protest om zui ngal. Hiai huntan in ZRO/UPF/KNO, Innpite, a pau om tuanlou. 02/9/2015 in Joint Philantrophic Organisation tuamtuam: ZSF, KSO, MZP & HSA leh Nute pangkhawm in JAC phutkhia uh a, JAC min in kal i suan uh, Lamka zaang ah.
Huchin 31/8/2015 zaan/zinglam apan New Delhi ah leng Naga, Mizo, Kuki, Zomi, Hmar chia kikhentuamna om hetlou in Tribal cause in khekhat in kal kisuankhawm. Tuni tan in Delhi ah Tribal-te kaal ah Unity kise hetlou in paitou theilai, MTF-D leader pil leh inclusiveness lungput ziak in. Kei omna mun ka theihziak a hon gen ka hi mai a State dang ah bang a chi diam ah.
Huchi'n Media inle a hon cover ua, Memoranda tampi Central level ah kipekhia hi. Minister/MLA-te lah tolh mawngmawnglou ahihman un a selector-te un a phutngai ahi chin Numei pawlte a hong kipan ua, Sia Pau inn a hon luh uh. Huapan i Movement paidan a hong kilamdang pah a, Innpite a hong kilang khe taktakta. Lohchinna neuchik le om loupi in Siluang vuikhiat ding Thu, school kai ding thute a hong dawkta.
Innpi level ah clarification a hong leengta. JAC/JPO-te sang a poimohzaw a hong bang hialta uh. Innpite kaal ah kituahna hong sawi/lengh in huai in ngaihtuahna nuamloupi in hon omsak. Poi mahmah.
Zanzek mahmah in Students Movement chi'n student tampi hiai buaina ah a lom in hong dianglut nawn nalai ua, JAC-te thupiak in gen neilou bangzou. Innpite'n lah thupi kuaizou nawn manglou bang. I muan mahmah ATSUM bang le hong daainawn pian. Vaihawm zou ding omlou bangmai dinmun ah ki-om.
Siluang kikhamte, liam-le-baaite ngaihtuah in i Movement hong pianna ziak khong ngaihtuah thak ni. Kilemlou a om thei nawnvual kihilou hi. Kilemna/kituahna ding in i hihtheih lamlam in panla ni. Kiknawn thei dingvual kihi nawnlou ahih maimah chia.
No comments:
Post a Comment