Tu naizek a kipan i movement uh daupian zek ade aw chih ding bang hi. I salphate hichia koihdet chih om thei mawklou hi. Akuakua hita leng i Movement uh khawlsan mai ding ut hetlou dia kigingta i hihman in, tolhlou a panglai ding i chih uleh thathak la a i kipatthak ding uh kuul ka sa hi, inlam hi'n mundang ah hitaleh. Hichia khawl lah hilou lah, progress om law lawmlawm lou a mailam nawtzeldan a om-om theih hi nawnlou hilou hiam?
Hih nialnual ding i hih nilouhleh paulam hoihtak zon zawkmai a, salphate ittak a vuikhiatdan neih ngai hilou hiam. I theih chiatsa bang in State government toh kihou utlou chi'n JAC in nialden in Tripartite talks ahihkei ngalleh state government toh kihou lou ding chi'n talpan den uhi. Ministry of Home Affairs in Manipur government kiang a Tripartite talks nei ding chi'n zawn mahle uh kun zoulou uhi. Tu'n hichia dinkhawl chihdan pian a om i bang uhi. Tuadan a om touh nilouh chihdan om theilou ding hi. Inlam a movement hattak a paipai lai in ZRO in kituahna suse dia kipei pawl om ahi chi'n thusuah hon bawl uhi. Tua thusuah ziakmah ahi ngei dia nute hattak a paipai lai hong ki-withdraw guih ua, tua in tribal Movement setback naktak tun hi a theih ahi.
A mohsa nuam tampi om mahleh ken bel nute ka mohsa ut dekkei hi. Aziak bel buai himhim utziak a kipei uh hidan in ka mukei hi. Abultung in pasalte honna enkhe phot ua, Inn kihal khak ding bang veeng in Police Station luh dia kisate bang ana khaamden uhi.
Nute mah a hong panchiang un i movement uh a bultung toh teh in ki-discipline zawtham a theih ahi. PA et-a en in Sia Pau paukam ngakkawm in kalsuan uhi. Himahleh deihbang a azaaklouh tak un emotional a hong gamtang kha in heutupa Inn bang va luh kha zozen uhi.
Huchia aban a PA a aneih uh Zomi Council hong khawlnawn maimah chia'n maimong kisa in numeite Movement hattak a paipai lai hong dinkhawl dankhat suak hi. Huchia numeite movement a hong khawlguih chiang in huai in mipi movement nakpi a hon deengkha nawn hi'n kilang hi.
A bultung apan ngaihtuah leng mipi movement hattak a apaina di'n ZRO panlakna muhtheih bang a om a. Hiai movement in niamkiakna a tuahna uh bangziak hi pipen ding hiam chihte suut a, koi san a hatlou i hiam chihte kiveel a, banglam ah kipuahthakna tuak i nei hiam chihte kiveelphat kul ding hi'n ka mu hi.
 |
| Numei pawlte thusuah |
 |
| ZRO thusuah |
 |
| Zomi Council Thusuah |
 |
| Numeite toh kisai Kashmir Times Newspaper a kisuah |
No comments:
Post a Comment