Lamka a omte hi in vaigam a omte hileng i pildan uleh theihdan uh tuam chiat a, phatuam vek/ chiat i hi uh. Tutung i thiltuah uah a tawlpen leh risk sangpen la Lamka a omte ahi tham kha ding. Huchi ahihlai in a gaal apan bird's eye view a thil i etchiang a i muh chianzawk hun bangle omthei hi. Huai ahihlai in Ground reality toh a kimil louh deuh hun bang leng om lawtel kha ding.
Nang na mun ah, Kei ka mun ah chia i hihtheih lamlam ah chin-le-ha suang a i panchiat ua, huailamte-hiailamte chia ki-elna/ki-etna om saklouh i damna ding hi ngei ding hi.
Tuni (29-9-2015) in Manipur Tribals Forum, Delhi heutute meeting ding in Imphal a hong tung ua, JAC leh ATSUM heutute toh meeting nei uh chih i za hi. Inmun pansan a ana gamtaang nilouhte sang a va/hong pilzaw tuam khollou kha maithei uhi. Lah khopi a kipan ahihna uah Phualpi lamte toh niteng-hunteng a tengkhawm ahihna uah mitong-milaam theizaw leng hithei uh. Le hilou thei.
Manipur Tribals Forum kichi Bangalore leh India khopi tuamtuam leh pawlam tanpha ah min kinaih taktak suang/nei in i om tiltel uhi. Inlam/Imphal va delhte leh delhloute chia ki-el ding leng ahikei dia, le kipahtak louh ding leng ahikei ding.
Inclusive-tak lungsim pu in i kitung ding tuah ding uh, Tribal-te. A na madawk zoulou zawdeuh a omtak lehleng i huaai dia; ana madawk zou zawdeuhte leng lainiam tuan ding hilou hi. A ziakbel kipoimoh tuahvek i hi.
 |
| MTF Delhi leaders |
 |
| Joint Meeting of JAC, ATSUM and MTF Delhi leaders at Imphal on 29th Sept. 2015 |
No comments:
Post a Comment