Mundang ahle ahitham dia, 31st August a Lamka a thiltung pansan in Delhi ah wave khat pai lellel inchin Kuki, Naga, Hmar, Zomi chia kitangzialnapen i khanmohbawk uh ahi chih kiphawkna piangta ahi. Hiaite/huaite chia i kituambawl nilouh uleh i vek ua Meite-te' nopneh/ awl a opkhum deuhdeuh a ki-om semsem ding hi. Hiai salpha mi 9-te sihna i suun lailai un a hoih a zat/ hamphatpih/ khanlohna a i zat theihkei lailai uhleh a vangse den ding kihi maita ding eive. Hiai hun bang a i lak ah khanlohna ana tung ngei nailou hi.
Tumalam in unau Naga-te lak ah Manipur sepaihte thaukhah ziak in misi a na om zeuhzeuh ua, ei Zomi/Kuki lamte'n bangmah a kivei lou. Huchibang in Tipaimukh ah mass rape a na om ngeita a, Naga lamte'n poi hon sakpih lawlou uh a bang. Huchibang zel in Kukite lak ah zanzek mahmah in Moreh ah incident a om nawn a, huai in midangte hon phawng zou taktak keilai. Tu'n Lamka ah 31st August 2015 in i salpha-te sihna in Naga/Kuki/Hmar/Zomi, chih om tuamlou in luaikhat ah a hon veikhawmta.
Hiailamte ah Govt. innte i susia ua, huailam ah bangmah a chikei chia veek lai ding i diam, unaute. A thuakkha zodeuh a i pantaak lehleng Eilak a kipatna/epicentre ahi chia pomsiam hamham a pankhawmna ding ahih peuhleh chi'n lam-etna/ thuakzohna toh om chiat leng hilou hiam.
No comments:
Post a Comment