Kimawlna Lauhuai

Match nei ding chih genkholh om hetlou in Talpak Team-te’n a football uh hon lakhezok in Centre line apan hon hawlsuk ziahziah uhi. A langlam Tribal mix Team-te’n Defender a aneih uh a MLA Team-te un ‘Chewing Gum’ a khamzohlouh ziak uhia a haaikhak fuhluat ziak uhiam in ball ana nang/daal hetlou in ana paisuaksak maimah uhi. Talpak Team-te’ Striker, JCILPS, in nalhdeuh in goal a hon kaap a, a khum ngei uleng gintak-huai hi.

A ziakbel Tribal Mix Team-te apan leng hilou khat Goal-keeper ‘dan’ a ding Governor ahihman in kua vualzou in vuallel taleh ama mimal adi’n a poina omlou ahih maimah chiang in. Ahi a, Goal-keeper in ama siamna/theihna in na match uh a fair keilua chi’n match a dinkhawl sak diam? Ahihke’h ball ana bohkhe zet diam? Or Defender-te taanglou nana na tuh ana khah mai diam, chih theih hakpi ahi.

Huchia Match a alohsap ngeingei uleh knock-out bangmai ahihman in Tribal Team Fans-te’n leng amau D-box sung lutta ahihziak in beidong kisa in a pawlam ah ana kitom langlang uhi. Huchibang dinmun a a-omlai un Talpak Striker JCILPS in tuni, 15/9/15 in a peksa uh ball fuhdeuh in a nohna in a thak in Goal ngim vengveng in a hon peek thuai nawn uhi. [The Eastern Today: http://www.eastern-today.com/entries/northeast/manipur-governor-approached-by-jcilps-to-approve-assembly%E2%80%99s-bill]
[The Sangai Express: http://www.thesangaiexpress.com/page/items/56646/jcilps-submits-memorandum-to-governor-dr-ahmed-urged-to-give-nod-to-bills]

Tribal Team-te Defender-te’n ana nan hetlouh uh, genlouh in amau’ D-box sung a Talpak Striker-te a dianglut nung ua leng Tribal defender-te’n a delh tuanlouh ziak a avuallelh dimdem ngeingei uleh Fans-te lungkimlouhna a maituah ding uh huphulhhuai chi petmah chu eive.

Behlapna: Manipur State Govt. in President kiang ah Bill-te assent pe dia a nohna a na kaap khinnawn dan an hizel. [The Sangai Express: http://www.thesangaiexpress.com/page/items/56952/state-govt-writes-to-president-to-give-assent-to-bills]