31st August 2015 a hong kuangkhia mipi lungkimlouhna in mailam sawnzel. Bialtu MLA-te tunitan in dai dide lai ua, a bial mipite lungkimlouhna leh lam-et tunglou ahi uh chih chiangtak a taklat ahih nung inleng a ikh-ua namlou lai bang hi. Tuni chiang in ni 15 bang hita a, koitan i tungta ua; bangchidan a kalsuan touhzel ding chihte i ngaihsuut uh poimoh petmah suak hi.
1). I kiphinpih uh Bill 3-te lakkik/phelhkik chih zaak hi nailou.
2). Mipi palai- Minister leh MLA-te kitawp dia mipi'n demand apiak uh gahsuah muhding omlou. Kitawpta chihdan a zuau a kikhemna laang.
A tunga point tegel apan bangmah lohchinglou i bangna ua i lohchinna uh omta hi a kilangte bel:
1). Manipur a Tribal omte- Naga, Kuki, Hmar, Zomi, etc. group tuamtuam a kikhente khekhat in kiding theita.
2). Kimelmakna liantak om a kithattuah pawlpi lian nih UPF leh KNO nuai a omte tup kibang a kalsuan khawmta ding a thupukna piang theita.
3). Manipur a ILP omna dia phuut pawlpi JCILPS leh Manipur Government a DY. CM in Bill-te bawllem theih ding chih gen tuak uh. Bangtan hiam ah i kiphinna un Manipur a Govt leh Meitei-te bil deengta. A hun tawk naikei a hiven.
Hiaitan i tunna ding un Salpha mi 9-te'n a hinna uh luikhia ua, zahtakhuai petmah uh. Liam-le-bai tuak tampi leng om, amaute kipiakna leng niam tuan hetlou hi.
Hiaitan i buainung un salphate a phutawk uh zahtakna lianpi toh a luang uh koihkhiat hun ding gentheih hi nailou a, huchihmawk ding inle i thil ngette uh dawnna muh ding om nailou ahihman in thil kilawm hilou mah leng ahi.
Tulel in Lamka dinkhawl chih ding in om a, School kai naupangte maban ding- school kihon nawn hun ding gen theihlouh in om hi. (Sacrifice thupi petmah ahi). Bandh/Strike ziak in hindan nawngkai petmah a, niteng nek ding zong tawmte ading in hun haksapi suak hi. Siluangte vuiliam ahihlouh man in sihna tuak inkuan-te ading in leng huuipek apan misi nei hita ua, khitui hul thei nailou ahihman in a dinmun uh haksa petmah ding hi. A liamte bang leng damdawi man JPO in piaksak mahle uh kikepna a mahni a akisenna uh mipi'n i theihpihlouh tampi haksatna tuak tham ding uh hi.
Huai ahihlai in ni 15 bang pai manta a, bangtan hichi toulai ding chih theihtheih nailouh ahihman in maban ah bangchi kalsuantouh zel ding chih dotna poimohtak suak hi.
A houpen a gen inleng hiai buaina ziak a i mi-le-sa ann huan ding tasam a hong tai a omleh ann huankhat-huannih pe dia i kiman ding kisam hi.
 |
| Salpha mi 9-te |
 |
| SSPP JHq Delhi in 31st Aug. 2015 midnight a emergency meeting a neihlai |
 |
| Candle light Vigil & Condolence at JNU on 3rd Sept. 2015 |
 |
| Manipur Tribals Forum, Delhi's Consultative Meeting at JNU on 8th Sept. 2015 |
 |
| Non-violent Protest Rally at Jantar Mantar on 2nd Sept. 2015 |
No comments:
Post a Comment