THE MANIPUR LEGISLATIVE ASSEMBLY (HILL AREAS COMMITTEE) ORDER, 1972 (Paite Version)

MANIPUR TRIBAL RIGHTS VIGIL FORUM ( MTRVF) – INITIATIVE

THE MANIPUR LEGISLATIVE ASSEMBLY (HILL AREAS COMMITTEE) ORDER, 1972 (Paite Version)

India Danbupi, Article 371-C in thuneihna hon piak pansan in kei, India President, V.V. Giri, in Manipur State toh kisai anuai a bang in thukhun ka suah hi:-

1. Thukhun min leh phuan hun diing –(1) Hiai thukhun Manipur Legislative Assembly (Hill Areas Committee) Order, 1972 chih ahi diing. (2) Kintak a zat hihen.

2. Hiai thukhun a hilhchetnate –

(a) “Assembly” - State Legislative Assembly;

(b) “Governor” – State a Governor;

(c) “Hill Areas” – Danbupi First Schedule in taanggam achihna mun khempeuh;

(d) “Hill Areas Committee” – Hiai thusuah a kigen bangbang;

(e) “Schedule” – Hiai thukhun toh mekmah theih Schedule khatpeuh;

(f) “Scheduled matters – Second Schedule a thukup;

(g) “Speaker” – Assembly a Speaker;

(h) “State” – Manipur State.

3. Hill Areas Committee-te Constitution:-

(1) State Hill Areas a constituency khat pumluum hiam sehkhen khenkhatte ai-oh Assembly Palai teng huam Hill Areas Committee of the State a om diing: bangteng hileh State Chief Minister leh Speaker-te Hill Areas of the State member ahih louh diing uh ahi;

(2) State Minister khempeuh (Minister of State hiam, Deputy Minister hitaleh) Hill Areas Committee-te vaihawmna a kihel diing leh thugen di'n phalna nei hi. Himahleh huai tantuan' phalna in Hill Areas Committee member ahih kei ngalleh tua kimuhkhawmnate ah “vote” nei theilou hi.

4. Hill Areas Committee-te mohpuak/paizia:-

(1) Hill Areas Committee-te thuneihna Taanggam mun khempeuh toh kisai a Scheduled matters tengteng;

(2) Money Bill lousiah, Taanggam hetkha Bill khempeuh adiak in Scheduled matters, Assembly a puaklut a hihzoh chiang in, Hill Areas Committee-te’n ngaihtuah khawm diing ua, Assembly ah lehkiik nawn diing uhi. Himahleh, Bill khatpeuh, hiai thukhun kahiang khenneu toh kimil leh kimil louh thu a chiangkuan louhna a om zenzen leh bel, a tungtangthu Governor kiang a tut ahi dia, amah thupuukna tuh thutawp ahi diing;

5. Taangam hetkha Bill toh kisai Special Provisions – Paragraph 4na, khenneu 2na dungzui in Hill Areas hetkha Bill khatpeuh Hill Areas Committee kiang a phoukhiak a om, phasakna apiak naakleh, Assembly in ngeina tawn chiahlou in Taanggam a zat di'n a pomkip diing hi.

6 Development Plans –

(1) State Five Year Plan leh Annual Plans te State Government in a pomkip ma in, tup-le-ngimte Hill Areas leh State sung mundang teng a chitheh tuamseh diing a, huai tup-le-ngiimte Hill Areas Committee mai ah luikhia in ngaihdan la masa diing.

(2) Taanggam khantouhna diing ngiimna kiguanggalhte sepkhiakna toh kisai dinmun State Government in Hill Areas Committee ah kha thumdan in zaksakna pe diing.

7. Modification in the Rules of Business of the Government of Manipur - Hiai Rule, Third Schedule in kheng danglam zek dia a thupiak bang in the Rules of Business of the Government of Manipur, 1972 ah khen danglamna a om dia, huai nungsiah Government in dan ahun-le-mun zila khen danglamna om touzel diingte ah hiai Rule, India Danbupi Article 166 pansan in President of India lemsakpihna tellou in a phil-kha thei nawnkei diing.

8. Modification in the Rules of Procedure and Conduct of Business of the Manipur Legislative Assembly – Hiai Rule, Fourth Schedule in kheng danglam zek dia a thupiak bang in the Rules of Business of the Government of Manipur, 1964 ah khen danglamna a om dia, {as adopted under sub-section (6) of Section 27 of the North Eastern Areas (Re-organization) Act 1971 (81 of 1971) and the modification so directed and the provisions of Rules 141 to 145 (i.e. 159 to 165 of the new Rules) and 170 to 184 (i.e. 218 to 232 of the new Rules)} huai nungsiah Assembly in Dan a hun-le-mun zila khen danglamna om touzel dingte ah India Danbupi Article 208 pansan in, President of India lemsakpihna tellou in a philkha thei nawnkei diing.

9. Special responsibility of the Governor – Hill Areas Committee-te’ nasepna apai hoihna ding in hiai thukhun sung a Dan kipiate toh kituak Governor in special responsibility aneih zang in thupiak pe diing hi.