Reformation, Social Change kichi i deih chiat uleh i lunggulhpen uh ahi ngei ding, adiak in Martyr 9 i neih un nakpi in Diktatna leh dik-le-tang a vaihawmna a dangtakna a hon tun hi. Ahi a, Reformation, Khotang bawlphatna kichi a man tam mahmah ahi a, i lunggulh bang i muhna ding un DEIHNA a poimoh mahmah lai in SACRIFICE a, aman piak ngam leng ngai hi.
I deih TAKTAK hia chi'n mimal kidong le'ng i dawnna ding uh baihlamtak in suangtuah theih mai hi. A MAN PE NGAP kuateng chi'n kidong suknawn leng (kei tel in) mi tampi mahmah tel kha nawnlou thei chihdan hizel hi.
Deihna tanlel a baihlamtak a piangthei thilzaw manpha law khollou ding hi. Ahi a, hun paisa suut leng a man pe ngam mahmah ngen i hi ua, tua ziak in Lamka sou in ana sou a, a pangkha lou ki-omlou phial ding hi.
Huai ahihlai in a man pe ngam i hon chih nawn leuleu chiang in HUAILAI a i sacrifice ngapna' KIPIAKNA toh kigamla lou hial ding hi. Tu-le-tu in huai laibang a kipiakna sustain tou in bawllem zekzek tuak omte kiveel in NGAKZOU leh THUAKZOUTAK in kalsuan tou zou zelle eite adia muh batlouh leh tan vuallouh dia gamlapi a om hi khollou kha ding hi. VISION leh positive mind-set kitasam i himai kei ding uh maw??
No comments:
Post a Comment