Manipur Tribal-te dinmun dengdeltak a omden ahihdan 3 Bills; August 31, 2015 a ki-passed in chiangtak in hon taklang hi. Huai i Martyr-te leitual a kiakni tanpha in Singtangmite'n kihumbitna dia pawl tuamtuam Students level apan Inpii level tanpha i neih tampi petmahte kingakna tham omlou ana hi uhi. Human Rights foundation i neihte'n tuni tan in FIR natan hon zohpih naikei lai uh.
Kum 11 lel mi naupang ahi chia hawituam omlou in, kum 45 a upa dong; mi 9-tak in a hinna manphatakte uh luikhia in SALPHA suak uhi. Hiaite Africa kawm hiam Vaigam thuuktak a mi-le-sa omlouhna mun a va sikha ahi zenzen kei ua, a mi-le-sate uh lak; leh a pianna gam ban uah a kisaktheihpih mahmah uh Lamka khopi lailung ngeingei a hiaibang sihna tuak ahi uhi. A luangtung ua kahtam i lohkhum chihlouh a mi-le-sate un tunitan JUSTICE kimuh sak zou nailou laitel hi!!
Salpha 9-te a ding hithou in a damlai eite a ding mahmah in leng JUSTICE sual kihi. Tuni 189 ni tan in bangtan chiang i ma tunta in i kithei ua? Tu tantan a i Protest paizia lungtunhuai himah hiam? chihte i kisuutzel tham ding hi.
I nget lohchingta a kikoih i hihkei lehbel a SAWNGLAI a i kipiakna zahzah a CHIHTAKNA i letkip paisuak dingpen i mohpuakna hilou hiam. A hun sawtta chihziak a lungtunhuai tan lohchinna mu a kikoih i hih keileh i KIPIAKNA tuihu bang a thensak theih hilou hi.
A gen thohthei a om dia, a semthei pawlle ki-om tham mah e. Ahi a, tuadan a a gen theite a seplam a awlthei ding hiam, a seplam hihtheihte a sum thohlam a awlthei dingdan in kei mahmah inle ka na koih ngei tham hi. Bangteng hileh khat a i pan theih ziak a adangte a awlthei ding in i dinmun in hon salou hi. Huaiziak mah a tawl huailua eive maw.
Tawl ing, chia mahni suty kipe thei mai ding dinmun a i dinlouh uh a CHALLENGING natak ahi. MTFD a Press Release/Memorandum gelh a pangte mah a taivial leh diangkhiakhia a, PM leh Cabinet Minister-te by-hand a petu a pang ua; chikei ve, a sum mahmah leh ngaihtuahna mahle seengtu suakden lai uhi.
I kipiakna dingtan kigensak thei ding zawsam i omkei uh. Ahi a, eimah a suakkhia i panna chiangchiang pen huntawk na hiam chih mimal chih i kivel zelzelpen i mohpuakna ahi a, huai i kipiaktan sacrifice in a kitung khezou Nam i hih dingleh dinglouh hon ki-ensak thei ding hi. Tua i pan tan kaan-a-vaal a kisuukthak lai ding bang om in i thei a?
No comments:
Post a Comment