UPSC Exam-na Mun A Na Rights Khenkhat

1. Dawnding tuisiang Exam venue ah a om ngeingei ding ahi. Dawnding tuisiang a om keileh ngen in, na right ahi. 

2. Na table leh bench neulua hiam/ phok/ phonlua hiam a a-om a, OMR sheet(Answer paper) koihna ding kichuuptak a omkei leh complain theih ahi. Table leh bench hoih huntawk na right ahi. 

3. Room sung electric omlouh ziak a mial ngemngum a a-om a, a vaak huntawk keileh complain theih ahi. 

4. Toilet numei leh pasal' a atuam tuak a a-om ding ahi. Siangthou huntawk ahih keileh complain theih ahi.

5. Exam hun ma in a mun tun sawm in. Banghiam chia na tun zohkei zenzenleh Minute 10 tan late-te consider theih ahi. Minute khat-le-nih zekai ziak a hon luut sakkei uleh nget theih ahi. Hiai Late dia kikawkmuhna ahi kei aw.

6. Na Exam Centre zon haklua hiam baihlamtak a tun theihna ahih keileh complain ve maw. A nawnchiang a exam centre allotment kibawl chiang a chiamteh a om kha maithei eive.

#A theipen hikei mahleng ka theihsun a phattuampih om khakleh chihman a gelh ahi. Nidang deuhlai in rights theilou sasa in exam theihtheih kidelh a, dangtaak velvul a om hun leng omtham hi. Khatvei bang UPSC exam khat ah sana bangte tawi theih chih theihlouhman in table clock-te huai ding mawng a lei a exam hall a tawilut dekleh hon phal hetlou uh. Lei thawn hithet. Khonung theih thakleh tawitheih ana hi. Exam chiang in time management kichi thil poimoh petmah khat ahi. Huaiziak in sana zaangkhai tawi mangngilh hetlouh ding a poimoh ahi. Tutung UPSC saina a NDA & NA (1) Exam, 2015 a Inspecting Officer (IO) dia sehkhak a om, briefing na apan leh theihtuak/ guidelines hon hawmte uh pansan a gelhkhiat ahi.