Tate Birthday bang a hong tungzel a, kipahhuailua. Theihlouh kaal in hun ana pai liamzel ana hi. I tate birthday a hong tunteng a ei' upatdan leng ana kibehlap toutou hi.
Tate upa hiaihiai ahihna uah a’ taksa uleh a lungsim ua khang touzel ahihman un amau' kol/kep dingdan bangleng kingaihtuahzel keileh ahun toh teh a ana kikhophawk lou hi khathei hi. Tate a ding hitakei lehleng mahni ki-upgrade touhtouh ana poimoh zaw ahi ve.
Ei' khandan leh tate khandan a kibuuk rualkei mawkleh tate'n hon sit khong ding uhiam, mahni tate i mohsakna ding tam deuhdeuh ding hi. Huaiziak in Inkuan sung ah kirual a kalsuan touh diamdiam poimoh lua hi.
Hiaibang a kirual a i khan diamdiam theihna ding un dinmun kitheihtuah a, tate toh kimawlkhawm/ kithuahkhawm tam semsem a poimohdan lian deuhdeuh ding bang hi.
(Tuni a ka tanu @Siamte kum 5 a phaak toh kiton a ngaihtuahna a hong piang ahi.)
No comments:
Post a Comment