Khatvei ka zi kiang ah, Nungak thakkik a pasal nei thak
theiding bang hileh kua pasal in a nei nuam a, chih ka dong hi. Tuadan in i zi/pasal
kiang ah dotna i bawl ngei diam ah.
I chitlouhna tampi kaal
a leeng i koppih adia zi/pasal hoihtak hi thei dia i panlaknate a a’lungkim
theih uleh hampha ahi mai ua, ei mahmah leng zi/pasal lohching lua kihi mai veh
aw. Bukimlouhna a dim kihi chiat ahihman in i koppih tung a i lungkim theihleh
mi hampha; i lungkim theih keileh mi vangsia kihi mai hi. Huchibang in i koppih
- zi/pasal i insung a a’ lungkimleh mi
lohching kihi pahmai hi.
Lohchinna kichi e’n koi
hiam polam a i va muhsuahte ahih lailai in mahni insung chiat ah michih in
baihlamtak a i muhtheih ding lohchinna ana om chiat hi. Midang in hon etdan a
lohchinglua bang a kilang himahle’ng mahni insung ah lohsap theih ana hi daih
a, tuabangzel in akilang loulam daih ah kilohching in kilohsam thei hi.
Miteng in 'ego' kinei chiat a, huai
in kiniamkhiat dia hoih i sak hun inle mahni siam hon kitansak teitei sek hi.
'I am sorry' chih suk maimai ding bang haksa kisa mahmah khemkhem. Huai in nupa
kituahna nakpi a hon daal. Ki-ui khemkhem in nupa kituah ziak a lungsim sung a
i kipahna dingteng hon laaksak zomah lai. Ittak a kiteng taktak i hih nakleh i
zi/pasal in 'I am sorry' a hon chihchia ngaidam lou ding vual ki-omlou zaw eive
maw.
No comments:
Post a Comment