Lemna zong a, delh-a delh di'n i Bible in hon sinsak namah a, Nam Hampha hihna dia kuul leh poimoh mahmah ana hi eive. Survival of the fittest ana kichi a, tulai khovel ah midangte tung a leen ki-ut chiat ahihman in diplomacy bawl siamsiam a fittest suak di'n kilang hi.
👉
I tulel dinmun i etchiang in buaina leh haksatna in hon bawm a; huaite a i buai lailai in, i Gam-le-leitang, i Rights leh i Identity nasan ah i koltaanna uh sawt kuamtak ana hita chih Salpha 9-te'n a hon kiphawk khesak hi.
👉
Huchia Tribal tengteng kikhentuam omlou a mailam nawt a kal i suanzel lai un Tribe-base kimullitna leh angmasialtak a kitangzialna in huihpi-vuahpi bangmai in a hon nawk lellel a, bahse mai ding i diam? Ahihkeileh thoukhia a khovel tung a kivawkkhe ding...
👉
A nihna i telzaw... alah, baihsamlaw lou ding a bang. Mahni insung a hon lainiam gige Corruption leh khotang siatnate bangle nawlkhin in, i maih thei maikei. Huai kawmmah in ikim-ikiang, unau a i simte toh tuihual zapkhawm a kal i suankhawm theihleh ma i telhzaw in lukhong neizaw ding hi.
👉
Kal suankhawm diamdiam theih kichi leng a thawn a muh a hi zelkei; aman tampi mahmah piak poimoh hi. I ngap taktak hia? Thutak a dinkip giugeu ngam a ngai dia. Hon het-het, hon dawtdawt nuam ikiim-ipaam ah kikhamdim mahleh phawklou bangmai a i tuppen en liinlen a huailam mah i delh gepgep ngai hi.
👉
Va dawn geih, hih geih, khoih geih... utnate kitheih khembawl a, lemna zon teitei bangle zaw aw... chih hun om mahleh Patience mah a tawp ah i damna leh Nam Hampha i hihna dia Qualification poimoh mahmah hong hi tadih phot lai hi.
No comments:
Post a Comment