I gam ah zinling a vangkim in a tung zelsam. Tuma deuh in a hong nasa sim a, i lung a khoih. Tutung in QUAKE chituam, geographical earthquake hilou; Socio-political, Spiritual & Reformational QUAKE chikmah a om ngei nailou in a hon nuai lellel.
Huai bangdang hilou in i Sahkhua toh kizuul - Justice deih a dangtakna ahi. Huai Tuisiang duh a dangtakna in lauhna a beisak. Hiai bang Dangtakna QUAKE hichibang a thupi i gam ah i mu ngei naikei. Khovel siatlam manohzel ah hiai bang dangtakna lamdang i mu ngei nawnkei maithei.
Hiai JUSTICE deihna ziak in sih hial maituah a poimoh leh leng kiman in, teirol apan nupi-papi khosakna kichian neitate huam in mintak leh khomin iim neilou in Khovel muh theih in KHOVAK maai ah a taklang kheta uhi.
Awklum leh konglai a siluang phot kichite'n kuapeuh lungsim a lawng in chimul a thousak. Hiai bang leh hiai zahta in JUSTICE deihna a thupukna ana laaktak uh; tunai ahihkei lehle tunung in koihiam ah mulkimhuaitak in sih-le-man tuak hiam, sisa a luangphot bang hong hi zenzen le uh (I deihlouhpen ahi) kua i ngoh dia?
Huaiziak in Khotang, gamsung, namsung leh saptuam makaite'n hiai ISSUE kintak a EMERGENCY basis a address poimoh hilou hiam? Hiai bang CRISIS hun ngaihzam theih hilou hi. Salpha luang 9 nei i kichi a, a tawpna hilou thei hi. Justice mudia a tawpkhawk tanpha a pangsuak ngamte thupi petmah uhi.
Posted on Facebook on
No comments:
Post a Comment