Worship Team Orientation | 9th March, 2014

WORSHIP TEAM ORIENTATION PROGRAMME

EBCC DELHI | DWARKA, NEW DELHI

CONFERENCE HALL | 09^TH MARCH 2014 | 1:30PM

THUPI:         KHA LEH THUTAK A BIAKNA (JOHAN 4:24)

Pitu                : Upa Chinsum, In-Charge Music & Worship Team, TBSUC

Gelhluttu      : Sumthanlian Suantak, Content Writer, EBCC Delhi

THUMAPI: Pathian biakna leh phatna manphasem a neih ding tupna ziak in hiai Worship Team Orientation Program a’ In-charge thusun pansan in TBSUC & Pastor lemsakna toh Pathian ompihna a zattheih in om a, hiai bang in kizang hi:-

PULAKNA: Pitu Upa Chinsum hong dingkhia in Toupa lam naihsem ding tupna a Worship Team-te leh ngaihnat biikte chialkhawm a hiai WT Orientation program kisai ahihdan hon pulak a, atamzaw hong tel theite Toupa Jesu min in vaidawn in, leh a tung uah a kipahna hon taklang in; Hun patna thumna hon neizui ngal hi.

Tuni a ngaihnatbiik chialkhawm a omte:

·         Upa Dr.Langkham – Publication In-charge, TBSUC, Medical Doctor ana hi, tulel a EHA a Director lenlel leh biakna a lunglut mahmah khat ahi.

·         Htp. Ginlianthang – Music a lunglut mahmah, sawtpi paisa apan ana minthang ‘The Jewels’ leh ‘Zokids’ lasa pawl khong ana seekkhia, Pathian mizat manpha mahmah khat ahi.

·         Htp. Richard Khuptong – BCD(Media) a pang leh Website designer banah biakna leh Music a lunglut mahmah mi khat ahi.

·         Nu Mankhodim – Pathian biak nuamsa a lunglut, Worship Team member a sawtpi apan ana kizangta, Asian Baptists Federation saina a Conference thupitak khong a EBCC Delhi ai-oh a ana kuanta khat ahi. Amah damlouhna ziak in hong tel theilou a, kihongh mahmah hi.

·         Upa Damsomthang - Chairman, TBSUC leh Pathian toh kithuah nuamsa mahmah, ama kumzah veibang Bible ana simsuakta Pathian mizat khat ahi.

·         Htp. Minthang – EBCC Central Choir a Pathian phat a kum 4 bang lungluttak a ana kizang khat ahi.

·         Htp Suanlian – EBCC member-te lak a Musician i neihte lak a khat, Music instrument zangsiam leh hundang a Htp Khamchin Tunglut toh ana kizui a, Pathian min a ana kalsuan zel khat ahi.

KIPUMPIAKNA HUN: Htp. M.Thangsuanmung, Worship Team makaih in “A siangthoupen kiang ke’n hong zuan ing” chihla kisa khawm in, thumkhawmna – mimal kipiakkhiatna kinei hi.

THUPI PANSAN IN UPA DR. LANGKHAM IN HUN HON ZANG A:

·         Worship Team-te – a lunglut a ki-volunteer, tha-le-zung pe ngapte, hun-leh hihtheihna Pathian adia pe phalte leh kisakhol dia kiman sak mite na hihna uah pahtakhuai mahmah na hi uh.

·         Kikhop ma a la ana enkhawl, kizil khol, mi tunma a Biakinn ana tung a, thumkhawmna bang ana nei a ana kikhawmte na hi ua; mi painung tanpha a le om tuantual a la khong sa zuilai a, sunnung teng bangle Pathian adia sacrifice ngapte na hihna uah thupi hon sa petmah ka hi.

·         Kipiakna dan ah – a chang a mimal haksatna ziak a na kihel zohlouh hun ua mi’ hon gensiat- mohsak bang tuak zomah lai ding, minsiatpih ngam mite na hihna uah thupilua na hi uh.

·         Mi nautang in challenge a maituahte mah noule tuak thou, huchikal a mahni deihtelna a kipiate na hi ua; na kipiakna uh thupi petmah ahi.

Upa Langham in thugen thoh sang a a-interaction thoh lampang lunglutzaw ahihdan hon gen in, Choir group leh Worship Team kibatlouhnate houlimkhawm in hon suutpih a  

   

·         Praise – Mi tungdeuh a i koihte kiphat (above normal). Huaiziak a Pathian bang hi law thamtham ahih ziak a ‘Praise’ kipia.

·         Pathian i biakziak – A worthship, Creator, Powerful, Omni Present, His love, His salvation, He’s in control, etc.

Pathian koi a om hi di’n na ngaihsun uh? La na pi chiang bang un na kiang ua hong dinpih bang in na phawk theizel uhia? Ahih keileh ‘Pathian toh ton a pai’ chihkhong na feel theih hun uh a om hia? Tam veipi Pathian itna, pina, kepna tangtaak hilou i kisak hun khong om ahi. Hilele Grace i chihchia underserved love hi’n chin; siamtak a artists in ana gelh ‘Prodigal son’ bang kiphawksuah thakthak ahi. A pa itna phu nawnlou bang a akilat nung nasan ale a pa’ itna kiamtuan deklou ana hi. Huaibang ahi Pathian hon itna, huaiziak ahi Amah i biak a i pahtawk na dingsan uh.

Kil 5:9-14 kaal khat in hon sim a Toupa Jesu ‘exceedingly worthy’ ahihdan kiphawk thakthak. Huaiziak a Pathian bia i kichihchia ‘Affirming his worthiness’ kihi inchin i re-afirm thakthak ding uh mah ahi. A tom in genle Praise leh Worship kha kibang sim inchin pathian hihna phawkpih i hi chia  recognition pia, re-affirm thakthak chihna ahi.

Pathian nasepna sangpen tuh ‘ to worship and adore Him,’ ‘to proclaim His greatness’ ahi. Worship i chihnawn chia Pathian toh kizopna, Connectedness lam hi inchin, ‘In worship we are connecting with God’. ‘In Community worship we connect worship with God’ ahi chi.

Worship Team-te kha Pathian leh mipi zomtu hidia mohpuakna neite na hi uh. Nou leh Pathian kal hoihtak a na zoptheih chiang ua, huai in mipite hon lohsawn di. Mohpuakna sangtak nou tung a kinga ahi.  Noute adi’n thumna in ka na pang zel dia, na mohpuakna uh zoudi’n k’on deihsak mahmah, chi’n  a houlimna zou hi.

KUPBEHNA: Upa Dr. Langkham gente ban ah Biakna leh Phatna haatsak dingdan kupbehna a nuai a ngaihnat tuambiik a chialkhawmte’n neizui nawn uhi:-

Htp. RICHARD KHUPTONG:

·         Eilamte lungput a buaihuaina khat chu mi a changkang deuhte koihdan khat kinei kha pahpah a, amau adia intek pantak a kiheldan lem nawn chiahlou dankhat in om khasek hi.

·         Biakna leh phatna i neih chia a ‘Kha’ i tan poimoh. Gendan dang ah ‘Live in the moment’ ngai.

·         Worship Pastor a sawtpi ana pangta Pastor Lalpi apan SMS a muhte hon simkhia. 1)Worship Team-te biakna adia agent khat mai hilou a (Thugentu panpih mai hilou a) a thugentu’ poimoh zahzah a poimoh ahi. 2) Biakna kichi ei’ muhkhiat hilou. Ei omma pek a biakna a na omta. Tulai ate’n eima ate sang a bezaw kihi lou ahi.

·         A tangpi a Media a mi’ Worship dan i muhte khongdan a om theipah ding khong kisa khasek. Ahi tak a gen a huaite kha a ‘finished product’ hi inchin, huaidan tan i tun theihna dia akaal a panlaak ngai thilte kimaih khasek. Huchi didan hilou a nakpi a i kisin ding uh ahi.

·         ‘La sakkhiat’ kichi a final product hi’n chin huaitan i tunma a nakpi a kisinna i neih ngai. Eilamte paidan a nikhat a la 2/3 khumzoh chihte kha fuh taktak zoulou dingmah ahi.

·         Music i chih ‘Ging kilawm’ chihna ahi. Guiter gui khatkia zang i hihtaak lehle ging kilawmtak i bawltheih ngai.

·         Resources a i hihtheihna ki-limit saklouh ding. Ei a resource a i panzawk ding ahi. Nidang lai a khuang khatkia toh bia a atuui mahmah theih bang ua resources i neih bangbang toh limtak a biakdan i kisin ding uh ahi.

·         Consistency poimoh mahmah. Bukimlou himahle hon bawlpa Perfect ahi. Amah muang in biakna leh phatna a pan i laak ding uh ahi.

·         Mahni hihna/ hih theihtan kitheihsuah sawm ding. Biakna a i makaih bekhawm mite dinmun/hihna i theihsawm ding ahi.

·         Biakna ah ‘AW GING’ ahi a poimoh penpen. Eilamte ahihleh thildang a kibuaisak kha pahpah. Church teng bang Key-board project a buai khasek; a sia i chihna hi pahlou in.

·         Tumgingte be dia paikhawm kihilou a, huaite zang a be dia paikhawm kihizaw hi.

·         ‘God Consciousness’ ei ah om masa leh. Huchi’n i pii mipite kilohsawn thei pan ding hi.

Htp. GINLIANTHANG:

·         PaSum in Worship hingtak neihding vei mahmah a hiai bang hon saina ah thupi ka sa. Ahi a, Resource person-te a topic tuamtuam a khen in hon peleh a hoihzaw mai de    aw ka chi sim.

·         Worship Team kichi mipi leh Pathian kaal a palai ahi ua, a zom khawmtu ahi.

·         Music critic khat ka hihna ah hon genleng nidang pek a pan music lam a i khandan uh ka na enzuizel a i siamdan uh ‘TUALSIAM’ ngen i hisim uh. ‘Notes’ mahmah kisiamzou nailou in, Music lam ah i dinmun uh niamlai.

·         ‘Live Stage’ tan tungthei le chih ka duhthusaam ahi.

·         Siamna poimohpen hilou, chih a kizil peihloute kisiamtanna maimai ahi. Aziak bel Pathian toh i kaal fuh lehle mipi toh i kaal a fuh keileh fuh thei taktak tuanlou ahi.

·         Praise and Worship Team-te Sunday school teacher hi theile uh chih ka dream ahi. A omdan chu nakpi a kizil ding. Notes i siamchiang a Sunday school teacher khong a pang pan ding. Huaite mah Worship Team a kizang tou ding. Sunday school khong a naupangte Notes khong sinsak thei dia Notes siamte mah heutu a apan uh ngai. Hithei bang hileh Sunday school kha Period nih khong a khen ding:- 1)Period khat Notes zilna leh 2)A khatpen Biakna hileh.

·         Khami sim lengle ei ah siamna taktak a omlouh chiang a kaanna taktaklou ahi.

·         Ka suggestion chu Solfa hon zil unla, hong kipan thak un.

·         EBCC bang saptuam lianpi i hita ua Music leh Worship lam ah sangpi i tun uh hunta ahi.

·         Eilamte i ki-dress zek chiang ua awmlaw pahte kihi napi, tha kipe peihlou; kisinna tasam i hi. Huaiziak in nakpi in hong pang un.

·         Ka tawpna di’n, la n’on sak chiang un ‘Unison’ kia in hikei theileh a kilawm zaw lai ding.

Heutupa’n a hun a zoh in Pitu, Upa Chinsum, hong dingtou in, “Eilawi i paina lam vanglak ah niamlua hilou i hi. Hiailam ah paina ding neilai hi hang e,” chi’n kupnop neite a di’n hun hon hong hi.

KUPNOP NEITE HUN:

Htp. N. VUMSUAN, Worship Team Member:

·         La kisa Projector a i kaapkhiatte uh a visual toh kithuah theileh. A la thu toh kituak lim tuamtuamte bang toh suahkhawm theile hon khoih khakdan tuam ding ahi.

·         Tuadan a hihding bang hileng Technician lamte toh pankhawm bang ngai ding hinchin bangchi a sa di uam ah? Tuadan a i hihtheihleh Kha khat in la bangzahhiam bawl zoule a tawpchia Library dan le hong suak ding. Technical Team lamte’n feasible a sa duam ah?

·         Tulai khong a music a ngaih zohkei leh hon hihhalh zou taktaklou sim inchin. A ‘SOLEMN-NA TAK’ manglou dia kibawllem touhtouh ngai ahi.

·         Upa lamte leh khangthak lamte kaal a biakna paidan leh la kisate bawllem tuah (bridge) dingdan i geel uh ngai ahi.

Upa DAMSOMTHANG, Chairman TBSUC:

·         Htp. Richard Khuptong in biakna ah a poimohpen music instrument dangte sangmah a ‘AWGING’ a chih mahmah ngaih ka sa.

·         Worship Team-te sepna dang semkawm a extra a kipia a, kalsuan na hihna uah haksatna na tuah hun uh a tam ding. Tua i tunna chiangchiang uhle kipahhuai salua ka hi.

·         Ei’ vocal code kha Welsh te a saangmah in Htp. T. Pumkhothang’ ate toh kituak geih ahi. Huaiziak in Welsh suak late na hon pii chiang un na lungtunna tan uh i bat zohkei taak lehle lohsam kisa hetkei un.

·         Eilawi kha talented thei pipi kihi ahi, i resource uh tawm mahleh. Naga-te bang in music zilna Dimapur bang ah nei uh.

·         Kilualna mahmah poimoh sa ka hi. I hai dandan a i haikhawm lehle nuam mahmah ahi. I kilual nakleh khuang khat tohle nuamtak a zaan khovaak-vaak a leng la kisa zou mahmah dan ahi.

Htp. SUANLIAN:

·         Delhi k’ong tunna sawt nailou himahleh tuni bang a hong telkha theipah ka hihman in hampha ka kisa. Worship Teamte lak ah Suggest nop tamlou ka nei:-

·         Great listeners are great musicians ahi.

·         Biakna ah i taksap lianpen khat uh ‘Strategy siam’ ahi. Biakinn a  la kisate chi thum in khentheih a:- Hymnal, Praise leh Worship late ahi. Backgroud tuamtuam apan kikhawm dia paikhawm kihi inchin. Huaiziak a la i lepdan poimoh mahmah ahi.

·         Kipumpiakna, i chitlahna kawk khathei late in panthei le hang. A bultung a i lasak in bangmah i hihlouhdan hon theisakleh Pathian ma a kiniamkhiak kawmtak a Pathian kiphat kha thei ding. Huan, Phatna leh Biakna late in zomleh. ‘Kipumpiakna – Praise – Worship’ chidan in la sak dingte zomle hoihpen dia gingta ka hi.

·         Toupa Jesu hinkhua i etchiang a nasepna apat taktak ma a kisakkholhna a hun tamzaw tham ana zangbei ahi. Huaiziak in ei adia le kisakkholhna poimoh petmah ahi. Kisakhawl le mi lungsim kizou thei ding.

·         Naupang lamte le music zilna ah thuaptouh theih hileh chih deihhuai ka sa.

·         Khovel setak lak ah Leader hoihtak ahi i poimoh uh.

·         Hymnal late sak chia’n Piano kizang theileh i biakna leh phatna gahsuah sem dia gingta ka hi.

PROJECTOR A KIKAPKHIA LA NGAIHNA: Heutupa’n a hun a zoh  in Projector a kikapkhia ‘How Wonderful – A lamdang hi’ chihla ngaihkhiatna nuamtak in kinei.

WORSHIP TEAM-TE THUMSAKNA: Upa Damsomthang, Chairman TBSUC in Worship Team-te manpha seem a akizat theihna ding un thuumsak hi.

MABAN PAI DINGDAN KIKUPNA: Pitu Upa Chinsum in 1986 kum a Rev (Dr.) T.Pumzathang Amsterdam a khawmpi zang a ahohna a mi biakna neihdan in alungsim khoih mahmah a, chikchia’n Zogam ah tuabang a biakna a tung thei diam chia a ngaihtuahtuah lai a 1995 a Tuailai khawmpi thupitak kizang thei a, tangtung maimah ana hita ahi! Huaiziak in tua i genkhawmte bangle ei damsung mahmah a tangtung thei ahi chileng sau genlua kihi maithei; hong tung pah maithei zomahdan ahi, chi. Huchi’n Worship Team in haksatna a tuahlelte uleh maban paidingdante genkhawmna in zuui hi:-

·         Key-Board stand, Microphone, Guiter, mixer, monitor etc. vanzat i neih lelte lakah a zattaak nawnlou, a sia tamtak om. Worship Team in haksatna a tuahte uh kigenkhawm.

·         Worship Team-te din dingdan bangle kigenkhawm a, kisakkholhna tamsem neih ding hoihsa.

·         La sakding telnuamte accommodate dingdan kigenkhawm. A phattuam seemna dia mipi apan feedback ngah dingdan bangle kigenkhawm hi.

Htp. M.Thangsuanmung, Worship Team Member, in thukup hon bawlte:-

·         Tulel a i dinmun et in Western-te hihdan leh ei’ hihdan kibang thei nailou ding mah ahi.

·         Worship Team kichi Palm Sunday ni a jesu tuanna Sabiltung toh kibang ihi. Sabiltung in Toupa Jesu vualzoutak a Jerusalem a luutpih bang in ei Worship Team-te’n le mipite biakna gahsuah hidia i pi ding ahi.

·         Pathian thupina i piak gige ding. Mi comment khong a i kingak louh ding, a hoihzaw dia panlak dingdan i geel gige ding ahi. A poimoh hiai, huai chih i tamsak louh ding.

·         Tourist Guide-te’n khualzinte lamkaih a, khualzinte hiipzou dikhop a genpih siam dia a kizil bang ua Worship Team-te’n a lunglut taktak loute bangle Pathian bedia lunglutna guanzou ding khop a i kizil ding uh ahi.

·         Worship is not just about singing.

·         Mi compliment tanlel a lungkimlou in. Kia thamlou in lasak nop tanlel ah lungkim kei ni. I meel ah Kris meel langsak ni.

·         Remember that you are not a commander but a facilitator.

·         Worship Team lohching i hihtheihna di’n thuumna mahmah i pibawl ding uh.

Htp. Pauminlian Tangpua, Worship Team Member, in thukup hon bawlte:-

·         Ka U damlou in a om a, i Pastor in a hon hihsak sekbang in, ‘Toupa tuh ka khetbuuk leh Chiang’ ahihna phawk in, “U, na noplouhna munte ana khoih in,” chi’n ka thumsakleh a hong hoih/halh deuh. Worship Team-te Pathian in hihtheihna hon pia ahi, chih ka theisuah.

·         Worship nei ding leh i kizil ding chiang in i Mobile phone te leh hon nawngkaisak theite  koihkhia in lungsim tengteng toh i pang ding uh.

·         Kiginni suun kha Worship dia kisakkholna/ kizilna dia priority i piak ding uh ahi. Ei i kimansak a, i kihon ngai ahi.

·         Bible sim in thumna nei in nakpi in kisakhawl ni.

Htn. Kimremmawi, Worship Team Member, in thukup hon bawlte:-

·         Siamziak a Worship Team a tel hilou ka hi. Siamziak hileh a screening tan le ka tel bankei ding.

·         Worship Team a tunitan ka na kizatna ah ka chaan/miss khak gending ka neikei. Huai naksang in vualzawlna tampi muzaw hi’n ka kithei.

·         Hoihtak a i kipiak a, Saturday a kisakkholhna nei gige i hihdan mi’n hon theihchiang un Saturday a i hun hon zahtaksak uh ahi. Kei bang chu ka sepna lamte’n Saturday a nasem dia le hon lamen vetlou uh.

·         Mi hun i zahtaksak ding ahi. Saturday a i practice hun uh thei in punctual sawm ni.

HUNKHAKNA: Pitu Upa Chinsum hong dingtou in, i kipiaknate lenkip in chitaktak in Pathian min in kizat i sawm touzel ding uh chi’n hunkhakna nei ding pastor sam hi. Pastor Nenglian Vualnam in hasotna saulou gen in Toupa Jesu min a hunkhakna thumna hon nei in, 4:40pm in hiai Orientation Program manphatak zatzoh ahi.

~ Sumthanlian Suantak,

   Content Writer, Media Team, 
   EBCC Delhi.