🌱Hun dang banglou in i Rights ua khanlohna nasatak tung lellel hi. Tua kia hilou in diktatna a kibulphuh a kuuldan leh Corruption in i gam a neksiatdan kuapeuh in kithei chian mahmah ta hi. Hun dang in mi nautang in Election hun chiang in mimal hamphatna ding hon pia a, hon phungvuh nuam a om nakleh adik-diklou chih khuallou a vote sukmai chih paidan ana om hi.🌱Tuchiang in bel mimal hamphatna ding a masa a koih nawnlou in i Laisiangthou hon sinsakdan toh a kituak hiam, diktatna toh a kizuul hiam chih kiveel theita in NFSA nuai a hamphatna i tankhakte bang a dik keileh kinolh ngamta hi. Tunai apan mi tangpi'n kibulphuhna (Foundation) dik poimoh masa ahihdan kiphawk chian mahmah in, a cheimawinate poimoh thou mahle a amasapen hilou ahihdan kithei chian deuhdeuh hi. Tua ziak in mihing hinna tung a Justice kingaikhawk mahmah a, tuni tan tumuang thei nailou in ki-om chiat hi.🌱Hinna manpha taktak 9 hial i Lamka khopi sung ngei a puukte, uisih - aksih a sihsak ding kingai thei bilbel lou in vuikhiat mai ding bangle tampi vei ana kinang hi. Hiaite kitheih mohbawl a thildang amasa a koih chihpen priority mipi deihdan hi masa lou in a huntoh etkhawm in thildik hithei lou hial hi. Tua luang 9 kikhamte a tawpna hilou thei lai hi. Manipur Govt apan Bill thak hong pawt thei gige ahihdan michih in kithei hi. Bill thak hong suak touzel lai dingte Singtangmite adia deihhuai lou hunkhop om ngei ding ahihman in kihumbitna kichian kipoimoh hi.🌱Hiai dinmun a i dinlai in maban MLA election 2017 a contest sawm Candidate-te' manifesto a JUSTICE FOR THE Tribal Martyrs SIXTH SCHEDULE chihte amasapen a a-om a, development lam a nihna-thumna chia vualsuk theite mipite khual taktak hih kilatna hizaw bangta hi, i dinmun uh et in. Lampi hoih, Electric hoih, Tuinek hoih chihte mipi palai dia kisakhete adia ahisa ahi. Huaite nidang pek apan vote zonna hita hi. Tuate i poimoh lailai a, i poimoh touhzel dingle ahi. Ahi a, i neihsun gam leitang i khahsuah nung in Lampi hoih, Tuinek hoih, Electric hoihte a zalzou ban dia i om keileh ei adia bang phattuamna tak om tuan ding hiam, ei adi'n?
TRVM|COFRELA|89|CMD -13
(Posted in Facebook on
No comments:
Post a Comment