✍I buaina uh huaise mahmah in sukveng zohlouh in a om a, eilah mei phelh banglel a om in, i hihtheih teng hih a i omlai un panpihtu akhual-atual ah hong om sauhsauh a, hon khamuan tuam mahmah hi. Eisung a ana hahpan mahmah leh melmak gam a ei adia kuhkaltak a ana pangte bang in awlawl in sihna lui gallam a hon zotsan zel uhi. Pu H.R. Bangia, Pu P.A. Sangma leh a dangdangte ban ah tuni mahmah in Salpha Inkuan representative hihna toh naktak a ana pang tawntung Pu Rev. V. Jamkhanthang i suun nawn uhi.✍Amaute Tribal cause ah nasatak in ana pang uhi. I struggle uh zou nailou leh paitou zel a a-omlai in amaute Pathian in ei toh Protest khawmthei nawnlou ding in A kiang ah tawldam sakta hi. A khate uh muanna Thianmang siang ah tawldam ta hen aw!... Mihing suangtuahna ah i Salphate toh tanbang kim in zatam vual geen minthang thangvan ah a kimu ding ua, bang simthu a lel ding uh hiam?✍Salpha Robert V. Jamminthang in a paneu kiang ah bang thu khong ana huau diam maw!! Tuabang zel in singta i chihte van mun ah pau kitheituah leh sakhat suak a - tanbang kim in Van-mi hita ding ua, tangtawn hinna tang leh tangtawn sihna tang ding chihlouh descrimination lah om nawnlou dia maw.. Vangam ah 6th Schedule chihte poimoh nawnlou in, land protection chihte kuul nawnlou ding hi a! Himahleh hinna bawl a siamtu Pathian in hinna latute tung ah Justice a bawl hun a om ngei dia tua hunchiang in FIR a ngaikei dia, CBI Enquiry chihte zaw a kuul nawn hetkei ding maw...✍Eite hi maw damlai nasep ding zou nailou; puuk thei leh lampial thei gige laite, a hehpihhuai te... Amaute'n zaw a sep ding bangbang uh zouta in sep thaman saan ding kia in ngakta.
We will be missing you all. Rest in peace, brothers in arms.
No comments:
Post a Comment