Ngaihtuah Tham Eive Maw

👉3-Bills passed ziak in mi 9 in a hinna manphatak uh taan in mi tampi mahmah in poihlon loh hial uhi. Mi tampi mahmah in liamna tuaklai uhi. Khosakna/nekzonna buailoh a, sep ding gina mulou leh muh sunsunte bangle nidang bang a sep hit-hiat hithei lou in bandh leh shutdown om zihzeh zomah hi.

👉Delhi ah a career dinkhawl top(ka theih mahmah ahi) bangle om a, mun tuamtuam ah tuabang a mimaltak a gamsung buaina ana vei mahmah, mi lak a kigenkhe lou hunkuam om lai kha ding hi. Morgue, Jantar Mantar munte a niteng a hoh gige tampi om ding hi. Tuate kuan-le-pai na bahara/thautui man suut ding hile'ng tampi phata ding hi.

👉Ann a hun a nelou, ihmut a ngeina bang mulou, Ann ngawl a thumden leh hindan ngeina zang thei nawnlou mi hunkhop mah om veve hi. A bultung apan Salpha-te luang damsa keem Tangval thumte kipiakna bang tehpih bei hi.

👉Huaite ban ah amun a omlou, khualgam a om a, ana vei mahmah a, niteng-hunteng a ana galdot gige bangle tampi mah om ding hi. Phone leh Internet bill banah midangte theihpih louh a, hiai bills kipassed te ziak a lunggimna tampi leh khitui in a buah ziak in zaan bangzah ihmut louh hun zang a om ding ua??

👉Sum kipia Jantar Mantar a MTFD Protest site a Tent khelhman niteng in asang-asang a zatman piaktouh hi den hi. MTFD, JAC, JPO heutute'n lungsim ngaihtuahna, Tha-le-zung mahmah banah taai velna a mimal sum a kisente uh tuat ding hile'ng namai lou hial hi. Mi khat mai ka theih minloh tuanlou in gen leng ama' pocket apan Rs. 7lakhs lam phata eitel ve.

(Posted in Facebook on May 19, 2016 )