KIAKNIAMNA LEH NIAMKIAKNA

I gam uah thusia-lasia, kidem-kimohsakna hun bangtanhiam paisa apan i tuahtouhlai un i KENIAM ua, NIAMKIAKNA in nasatak in a hon bawm a, puaknat-huai mahmah hi.

 

Khangtoulam a pailou in i niamkiak ua, i lungsim a nasak mahmah hi. Tua ziak in i niamkiak hiaihiaidan uh leh i KIAKNIAMNA uapan thohkhiakna diIng lampi bangchidan in i mu diIng ua, chih ngaihtuahtham hilou hiam?

 

Pathian thugente leh thilhoih sawmte' thiltup bang leNG muanglah chihdan a om pawl om i bang ua, tua in hun paisa a i thiltuah tuamtuamte uapan tanchinhoih gente' chihtaklouhna omkha om a, huaite ziak a muanzohna tasam leng i hithei dIing uam aw, chih hon ngaihtuahsak hi.

 

Bangteng hileh midangte muang dia i kisak kei nilouh a, kimuantuahlouhna leh ki-en gaugau a i omtouh nilouh uhleh lemna leh muanna kawlni suak ngei dIing hiam?

 

Muanhuai leh muantham diIng in mimalchihte kisa thak in, midangte muanzohna leng nei dia i pan uh poimoh mahmah in ka thei. Hiaite i thohkhiaknawnna dIing un poimoh hi.

 

Kimkei mahleh hiai ah i khotang un NIAMKIAKNA leh KIAKNIAMNA i tuahna ziak tuamtuamte lak uah khenkhat telkha hi in thei ing.

 

I damna naak i mangngilhkha uhI. Lemna kumpipa thei i kichi uh. Himahleh dam taktak diIng in a kiang i zuan nuamkei uhi.

Haksa i tuah chiang un damna taktak ngen in i thum ua, himahleh damna taktak muh ma in ei adia naalou diing chiang tan lel in Pathian i ngai uhi.

 

Pathian’ thupiak leh hon deihna - ei a diktatlouhnate i koihkhe ngamkei ua gawtna tuahlouhna diing geih lel ngen in i thuum zel uhi.

 

Hiai pen podamna ahi a, lungtang a damna bukim a kipahpih taktak i tawm uh. Eilam a manna (loss) omlou diing tan in Pathian i ngai uh.

 

Damna leh lemna deih in i mau ua, demna leh lemna kipatna diing in i kiman kei sek uh hilou hiam, ka chipih-sapihte. Kingaihtuah vengveng ngai ka sa.

 

~ Sumthanlian Suantak |  March 15 2019