Distinguished Visitor on July 20, 2014 (Sunday) EBCC Delhi Worship Service

Pastor Thangkhanmuan Vualnam, Dimapur Area Pastor leh inkuante’n EBCC Delhi biakna tuni, date 20/7/14 (Sunday) hong siimkha uhi. Biakna hun ah thugenna hun saulou piak hi a, biakna kikhop zoh in houlimpihna saulou kinei hi. Chiamtehtuak khenkhat a nuai ah i taklang hi:-

Family Details:

            Zi’ min: Ngaikhanman

            Tate min: 1) Siambiakching(tanu) leh 2) Joel Sonmuan(tapa)

Pathian gamna sepna ah 2007 in Pastor nna ana sampan a, tulel a a’sepna, Dimapur Area Pastor in, 2011 apan ana seem uhi. Ama’ bial Dimapur (Inkuan 28) leh Kohima (Inkuan 13) hi a, Dimapur ah EBCC member 120-130 kikal khong om uhi. Bial kikhenna ah Karbi Anglong Mission Field nuai ah omkha uhi. Saptuam mipite kipezoutak leh biakna kikhop kithalawp thei mahmah uh hi’n leng Pastor in gen hi.

“Pathian gamna sepna ah haksatna a chang in om mahleh huaite apan Pathian in hon suakta sakzel a, Kisiikna omlou”, chi hi.

Kikhopna Sunday teng in nihvei om a:-

 1^st Session: 10:30am           -  Sunday School leh

2^nd Session: 12:00Noon      – Biakna kikhop ahi.

EBCC Dimapur in Khualzinmite adia facility a neih uh bel Guest House ahi. Hiai Guest House ahihleh giahtheihna hi a, Missions Worker-te adi’n tunman lalou ua, huchilou khualzinmite bel Room/Bed ah Rs.250/- la ua; Dormitory ah Rs.100/- la uhi. EBCC Dimapur Chapel bel Dimapur Train Station apan 2Kms lel a gamla hi a, Dimapur Airport apat in 6miles khong in gamla hi.

Address:        United North Block, Sunrise Colony,

Burma Camp, Dimapur. PIN - 797112, Nagaland.

e-mail i.d.: ebccdimapur@gmail.com

Landline Phone No.: 03862-287499.

EBCC Delhi a muhdan ah biakna hoih huntawk sa. Huchihlai in Biakinn a mi dim phitphet a kikhawm a muh chiang in suggestion khat nei a, huaibel biakna chi-2 (Piching lam leh tuailai lam) in kikhen thei bang hileh chu i biakinn manpha seem ding ahi, chi hi.

http://ebccdelhi.org/activities/worship-service-write-up/738-congregation-worship-july-20-2014.html