Aishwarya Sheoran in Civil Services Exam 2019 ah rank 93na ngah hi. Academics ah laisiamtheitak a na hi gige hi. Civil Services a lohchinna diing in coaching a na lalou hi.
Civil Services
exam ah lohchin a ut ziak in huai mah focus tinten in hun kibichilhtak kaal ah
lai a na sim a, mobile phone, social media leh a lunglutna dangte bang a na
koihkhe (switch off) ngam hi.
A hinkhua a
ettontaak ka sakna ahihleh a nu hasotna niallou in, pichin sawm in kisa hi. A
nu kawkmuh ‘modelling’ a na zui a, himahleh a kilamet tan uh bel tung zoulou
hi. Femina Miss India 2016 ah finalist tan a na tung hi. Campus Princess 2016
title leng a na ngah hi.
A nu’
deihsakna amasapen in koih a, Miss India hi di’n pan a na la mahleh
vualtungtuanna bel a na tang zoulou hi. Huai ah a hun teng beisak mailou in
ama’ talent leh hihtheihna phawk in kisuuktak in a lungsim tengteng toh Civil Services
hon bei in hong lohchingkhe dom hi.
~ Sumthanlian Suantak | Nisim: 2020 kum Khodoukha 7 ni (7th August 2020)
No comments:
Post a Comment